(॥పల్లవి॥)
తమకమును దలపోఁతయును గలదెందాఁక
అమరుఁ జెలువము దనకు నందాకఁ దరుణి
(॥తమక॥)
విరసంపు మరునిపై వెరపు మతికెందాఁక
ఆరయఁ దనయాపదయు నందాఁక
సిరిదొలఁకు జవ్వనపు సిగ్గు నీకెందాఁక
అరవిరి విలాసంబునందాఁకఁ దరుణి
(॥తమక॥)
ఎనయు ముదములును దనయేతులును నెందాఁక
అనుఁగుఁ గోరికలు దనకందాఁక
కనుఁగొనల నవ్వులును కాఁకలును నెందాఁక
అనవరతసుఖము దనకందాఁకఁ దరుణి
(॥తమక॥)
తలఁపు వేంకటవిభుని తగులు గలదెందాఁక
అలరుఁదెలుపులు మతులునందాఁక
కలయునాతని చనవు కరుణగలదెందాఁక
అలవోక పరిణతలునందాఁకఁ దరుణి
(||pallavi||)
tamagamunu dalabom̐tayunu galadĕṁdām̐ka
amarum̐ jĕluvamu danagu naṁdāgam̐ daruṇi
(||tamaga||)
virasaṁpu marunibai vĕrabu madigĕṁdām̐ka
ārayam̐ danayābadayu naṁdām̐ka
siridŏlam̐ku javvanabu siggu nīgĕṁdām̐ka
araviri vilāsaṁbunaṁdām̐kam̐ daruṇi
(||tamaga||)
ĕnayu mudamulunu danayedulunu nĕṁdām̐ka
anum̐gum̐ gorigalu danagaṁdām̐ka
kanum̐gŏnala navvulunu kām̐kalunu nĕṁdām̐ka
anavaradasukhamu danagaṁdām̐kam̐ daruṇi
(||tamaga||)
talam̐pu veṁkaḍavibhuni tagulu galadĕṁdām̐ka
alarum̐dĕlubulu madulunaṁdām̐ka
kalayunādani sanavu karuṇagaladĕṁdām̐ka
alavoga pariṇadalunaṁdām̐kam̐ daruṇi