తల్లియాపె కృష్ణునికిఁ దండ్రి యీతఁడు
(॥పల్లవి॥)
తల్లియాపె కృష్ణునికిఁ దండ్రి యీతఁడు
చల్లఁగా లోకములెల్లా సంతోసమందెను
(॥తల్లి॥)
అరుదై శ్రావణబహుళాష్టమినాటిరాత్రి
తిరువవతారమందెను కృష్ణుఁడు
యిరవై దేవకిదేవి యెత్తేకొని వసుదేవు -
కరములందుఁ బెట్టితే కడుసంతోసించెను
(॥తల్లి॥)
తక్కక యమునానది దాఁటతఁడు రేపల్లెలో
పక్కన యశోదాదేవిపక్కఁ బెట్టెను
యెక్కువనాపె కృష్ణునినెత్తుక నందగోపుని
గక్కన వినిపంచితే కడుసంతోసించెను
(॥తల్లి॥)
మరిగి పెద్దై కృష్ణుఁడు మధురలోఁ గంసుఁజంపి
బెరసి యలమేల్మంగఁ బెండ్లాడి
తిరమై శ్రీవేంకటాద్రిని దేవకీదేవియు
ఇరవై తే వసుదేవుఁ డేఁచి సంతోసించెను
(||pallavi||)
talliyābĕ kṛṣhṇunigim̐ daṁḍri yīdam̐ḍu
sallam̐gā logamulĕllā saṁtosamaṁdĕnu
(||talli||)
arudai śhrāvaṇabahuḽāṣhṭamināḍirātri
tiruvavadāramaṁdĕnu kṛṣhṇum̐ḍu
yiravai devagidevi yĕttegŏni vasudevu -
karamulaṁdum̐ bĕṭṭide kaḍusaṁtosiṁchĕnu
(||talli||)
takkaga yamunānadi dām̐ṭadam̐ḍu reballĕlo
pakkana yaśhodādevibakkam̐ bĕṭṭĕnu
yĕkkuvanābĕ kṛṣhṇuninĕttuga naṁdagobuni
gakkana vinibaṁchide kaḍusaṁtosiṁchĕnu
(||talli||)
marigi pĕddai kṛṣhṇum̐ḍu madhuralom̐ gaṁsum̐jaṁpi
bĕrasi yalamelmaṁgam̐ bĕṁḍlāḍi
tiramai śhrīveṁkaḍādrini devagīdeviyu
iravai te vasudevum̐ ḍem̐si saṁtosiṁchĕnu