(॥పల్లవి॥)
తలరో లోకాంత(ర)పరులు తడవము పుణ్యపాపమును
వలెనని శ్రీవైష్ణవులకు వందనమే సేసెడివాఁడ
(॥తల॥)
తపసిఁ గాను ధర్మిఁ గాను
కృపగల శ్రీపతి కింకరుఁడ
జపితఁ గాను శాస్త్రిఁగాను
వుపదేశపు గురువూళిగకాఁడ
(॥తల॥)
భయము లేదు భక్తి లేదు
జయభాగవతుల దయవాఁడ
ప్రియము న్నెరఁగను పెరిమ న్నెరఁగను
ద్వయాధికారముఁ దగిలినవాఁడ
(॥తల॥)
జ్ఞానము లేదు మోనము లేదు
పూని శ్రీవేంకట పురుషుఁడిదె
నానాటఁ దెలిపి నను మన్నించెను
సానఁదేరి తన శరణమువాఁడ
(||pallavi||)
talaro logāṁta(ra)parulu taḍavamu puṇyabābamunu
valĕnani śhrīvaiṣhṇavulagu vaṁdaname sesĕḍivām̐ḍa
(||tala||)
tabasim̐ gānu dharmim̐ gānu
kṛpagala śhrībadi kiṁkarum̐ḍa
jabidam̐ gānu śhāstrim̐gānu
vubadeśhabu guruvūḽigagām̐ḍa
(||tala||)
bhayamu ledu bhakti ledu
jayabhāgavadula dayavām̐ḍa
priyamu nnĕram̐ganu pĕrima nnĕram̐ganu
dvayādhigāramum̐ dagilinavām̐ḍa
(||tala||)
jñānamu ledu monamu ledu
pūni śhrīveṁkaḍa puruṣhum̐ḍidĕ
nānāḍam̐ dĕlibi nanu manniṁchĕnu
sānam̐deri tana śharaṇamuvām̐ḍa