(॥పల్లవి॥)
తలనొక్క మాటాడఁ దలకెక్కె వలపు దీని-
తలఁపు రేఁచక మీరు తలరమ్మా
(॥తల॥)
చిత్తజు నమ్ములు దాఁకి జీర వారినందుకు పూ-
వత్తులు వేయక కాని వాడదమ్మా
బత్తిగల వారిందరు పచ్చకప్పురము మేన
మెత్తకకాని మానదు మెత్తరమ్మా
(॥తల॥)
కంటిచూపు కాయజుని వింటిబాణములు దాఁకి
గంటిలేని పోటులాయఁ గదరమ్మా
అంట ముట్టరాని తాప మగ్గలమైనది ముల్లు
ముంటఁగాని పోదు మేను మూయరమ్మా
(॥తల॥)
అప్పుడింత సొబగు లేదతివమొగమునందు
చొప్పులెల్ల బాగులాయ చూడరమ్మా
అప్పుడు శేషాద్రిరాయఁడంగనఁ గలిసెఁ గాన
యెప్పుడూఁ బాయని చనవిచ్చె నమ్మా
(||pallavi||)
talanŏkka māḍāḍam̐ dalagĕkkĕ valabu dīni-
talam̐pu rem̐saga mīru talarammā
(||tala||)
sittaju nammulu dām̐ki jīra vārinaṁdugu pū-
vattulu veyaga kāni vāḍadammā
battigala vāriṁdaru pachchagappuramu mena
mĕttagagāni mānadu mĕttarammā
(||tala||)
kaṁṭisūbu kāyajuni viṁṭibāṇamulu dām̐ki
gaṁṭileni poḍulāyam̐ gadarammā
aṁṭa muṭṭarāni tāba maggalamainadi mullu
muṁṭam̐gāni podu menu mūyarammā
(||tala||)
appuḍiṁta sŏbagu ledadivamŏgamunaṁdu
sŏppulĕlla bāgulāya sūḍarammā
appuḍu śheṣhādrirāyam̐ḍaṁganam̐ galisĕm̐ gāna
yĕppuḍūm̐ bāyani sanavichchĕ nammā