(॥పల్లవి॥)
తలఁచిన తలఁపులు దలకూడె
వెలుపలె లోపల వెర గిఁకనేలే
(॥తల॥)
వలచిన వలపులు వడ్డికిఁ బారీ
తలుపు దెరవవే తరుణి యిఁక
పిలువక వచ్చెను ప్రియుఁడు వాకిటికి
నిలువుల బిగువులు నీ కిఁకనేలే
(॥తల॥)
ముసి ముసి నగవులు మోవులనుండఁగ
ముసుగిడనేలే ముదిత యిఁక
రసములు గురిసీ రమణుఁడు నీతో
దొసఁగుల సుద్దులు తుద నిఁకనేలే
(॥తల॥)
కరఁగిన చెమటలు కాఁగిట నున్నవి
నిరతి మరఁగేలే నెలఁత యిఁక
యిరవుగ శ్రీవెంకటేశుఁడు గూడెను
ధర లోఁగొంటివి తడఁబాటేలే
(||pallavi||)
talam̐sina talam̐pulu dalagūḍĕ
vĕlubalĕ lobala vĕra gim̐kanele
(||tala||)
valasina valabulu vaḍḍigim̐ bārī
talubu dĕravave taruṇi yim̐ka
piluvaga vachchĕnu priyum̐ḍu vāgiḍigi
niluvula biguvulu nī kim̐kanele
(||tala||)
musi musi nagavulu movulanuṁḍam̐ga
musugiḍanele mudida yim̐ka
rasamulu gurisī ramaṇum̐ḍu nīdo
dŏsam̐gula suddulu tuda nim̐kanele
(||tala||)
karam̐gina sĕmaḍalu kām̐giḍa nunnavi
niradi maram̐gele nĕlam̐ta yim̐ka
yiravuga śhrīvĕṁkaḍeśhum̐ḍu gūḍĕnu
dhara lom̐gŏṁṭivi taḍam̐bāḍele