(॥పల్లవి॥)
తలఁపులోననే దైవము వీఁడిగో
సులభము సులభము సోధించరో
(॥తలఁపు॥)
యిదే హరినామము యిదే కొననాలికె
వదలక తలఁచితే వైకుంఠము
వెదకఁగ నేఁటికి వెడపుణ్యము లింక
సదరము సదరము సాధించరో
(॥తలఁపు॥)
కలదు దేహమిదె కలవివె ముద్రలు
వలెనని చేకొన్న వైకుంఠము
వొలసి కర్మములఁ బొరలఁగ నేఁటికి
కలిగెను కలిగెను కైకొనరో
(॥తలఁపు॥)
శ్రీ వేంకట మదె శ్రీపతి వీఁడిగో
వావిరిఁ గొలిచిన వైకుంఠము
భావించి చూచిన బ్రహ్మాదులకును
త్రోవయిదె త్రోవయిదె తొలఁగకురో
(||pallavi||)
talam̐pulonane daivamu vīm̐ḍigo
sulabhamu sulabhamu sodhiṁcharo
(||talam̐pu||)
yide harināmamu yide kŏnanāligĕ
vadalaga talam̐side vaiguṁṭhamu
vĕdagam̐ga nem̐ṭigi vĕḍabuṇyamu liṁka
sadaramu sadaramu sādhiṁcharo
(||talam̐pu||)
kaladu dehamidĕ kalavivĕ mudralu
valĕnani segŏnna vaiguṁṭhamu
vŏlasi karmamulam̐ bŏralam̐ga nem̐ṭigi
kaligĕnu kaligĕnu kaigŏnaro
(||talam̐pu||)
śhrī veṁkaḍa madĕ śhrībadi vīm̐ḍigo
vāvirim̐ gŏlisina vaiguṁṭhamu
bhāviṁchi sūsina brahmādulagunu
trovayidĕ trovayidĕ tŏlam̐gaguro