తలఁపులోపలి తలఁపు దైవమితఁడు
(॥పల్లవి॥)
తలఁపులోపలి తలఁపు దైవమితఁడు
పలుమారుఁ బదియునుఁ బదియైన తలఁపు
(॥తలఁ॥)
సవతైనచదువులు సరుగఁ దెచ్చిన తలఁపు
రవళిఁ దరిగుబ్బలివి రంజిల్లు తలఁపు
కవగూడఁ గోరి భూకాంతముంగిట తలఁపు
తివిరి దూషకు గోళ్ళఁ దెగటార్చు తలఁపు
(॥తలఁ॥)
గొడగువట్టినవానిఁ గోరి యడిగిన తలఁపు
తడఁబడక విప్రులకు దానమిడు తలఁపు
వొడిసి జలనిధినిఁ గడగూర్చితెచ్చినతలఁపు
జడియక హలాయుధము జళిపించు తలఁపు
(॥తలఁ॥)
వలపించి పురసతులవ్రతము చెరిచిన తలఁపు
కలికితనములు చూపఁగలిగున్న తలఁపు
యిల వేంకటాద్రిపై నిరవుకొన్న తలఁపు
కలుషహరమై మోక్షగతిచూపు తలఁపు
(||pallavi||)
talam̐pulobali talam̐pu daivamidam̐ḍu
palumārum̐ badiyunum̐ badiyaina talam̐pu
(||talam̐||)
savadainasaduvulu sarugam̐ dĕchchina talam̐pu
ravaḽim̐ darigubbalivi raṁjillu talam̐pu
kavagūḍam̐ gori bhūgāṁtamuṁgiḍa talam̐pu
tiviri dūṣhagu goḽḽam̐ dĕgaḍārsu talam̐pu
(||talam̐||)
gŏḍaguvaṭṭinavānim̐ gori yaḍigina talam̐pu
taḍam̐baḍaga viprulagu dānamiḍu talam̐pu
vŏḍisi jalanidhinim̐ gaḍagūrsidĕchchinadalam̐pu
jaḍiyaga halāyudhamu jaḽibiṁchu talam̐pu
(||talam̐||)
valabiṁchi purasadulavradamu sĕrisina talam̐pu
kaligidanamulu sūbam̐galigunna talam̐pu
yila veṁkaḍādribai niravugŏnna talam̐pu
kaluṣhaharamai mokṣhagadisūbu talam̐pu