తలఁపులో కొట్టగొన దైవమే వున్నాఁడు
(॥పల్లవి॥)
తలఁపులో కొట్టగొన దైవమే వున్నాఁడు
తలఁచిన రూపులెల్లా తా నయ్యీనయ్యా
(॥తలఁ॥)
కలలో ప్రపంచము కంటి నే నొకటి
వెలినున్న ప్రపంచవిధివలెనే
కలనున్నవాఁడ నేనే వెలి నన్నువాఁడ నేనే
తెలి(య?) మాబతుకు రెంట దెప్పరములయ్యా
(॥తలఁ॥)
దేహమీఁడ నుండఁగానే దిక్కులకేఁగీ మనసు
దేహముతో దిక్కులెల్లాఁ దిరిగినట్టే
దేహములోవాఁడ నేనే దేహముపై వాఁడ నేనే
వోహో మాజన్మములో నొకటి రెండయ్యా
(॥తలఁ॥)
కన్నులెదుట శ్రీవేంకటపతిఁ గొలిచెద
కన్నుమూసి యాతనినే కమ్మర భావించెదను
కన్నులోపల నేనే కన్నులవెలిని నేనే
వున్నతి నీరెండును వొక్కటాయనయ్యా
(||pallavi||)
talam̐pulo kŏṭṭagŏna daivame vunnām̐ḍu
talam̐sina rūbulĕllā tā nayyīnayyā
(||talam̐||)
kalalo prabaṁchamu kaṁṭi ne nŏgaḍi
vĕlinunna prabaṁchavidhivalĕne
kalanunnavām̐ḍa nene vĕli nannuvām̐ḍa nene
tĕli(ya?) mābadugu rĕṁṭa dĕpparamulayyā
(||talam̐||)
dehamīm̐ḍa nuṁḍam̐gāne dikkulagem̐gī manasu
dehamudo dikkulĕllām̐ diriginaṭṭe
dehamulovām̐ḍa nene dehamubai vām̐ḍa nene
voho mājanmamulo nŏgaḍi rĕṁḍayyā
(||talam̐||)
kannulĕduḍa śhrīveṁkaḍabadim̐ gŏlisĕda
kannumūsi yādanine kammara bhāviṁchĕdanu
kannulobala nene kannulavĕlini nene
vunnadi nīrĕṁḍunu vŏkkaḍāyanayyā