(॥పల్లవి॥)
తలఁపు కామాతురత్వము మీఁద నలవడిన-
నిల నెట్టివారైన నేలాగు గారు
(॥తలఁపు॥)
ఓలినిరువురుసతుల నాలింగనముసేయ
లోలుఁడటుగాన నాలుగుచేతులాయ
వేలసంఖ్యలు సతుల వేడుకల రమియింపఁ
బాలుపడెఁగాన రూపములు పెక్కాయ
(॥తలఁపు॥)
పొలయలుకకూటముల భోగి దా నటుగాన
మలసి యొక్కొకవేళ మారుమొగమాయ
లలితలావణ్యలీలావిగ్రహముగాని
కొలఁది వెట్టఁగరానిగోళ్ళు నిడుపాయ
(॥తలఁపు॥)
చిరభోగసౌఖ్యములఁ జెంద ననుభవిగాన
తిరువేంకటాచలాధీశ్వరుండాయ
పరగ సంసారసంపదకు బద్ధుఁడు గాన
అరుదుగా సకలాంతరాత్మకుండాయ
(||pallavi||)
talam̐pu kāmāduratvamu mīm̐da nalavaḍina-
nila nĕṭṭivāraina nelāgu gāru
(||talam̐pu||)
oliniruvurusadula nāliṁganamuseya
lolum̐ḍaḍugāna nālugusedulāya
velasaṁkhyalu sadula veḍugala ramiyiṁpam̐
bālubaḍĕm̐gāna rūbamulu pĕkkāya
(||talam̐pu||)
pŏlayalugagūḍamula bhogi dā naḍugāna
malasi yŏkkŏgaveḽa mārumŏgamāya
lalidalāvaṇyalīlāvigrahamugāni
kŏlam̐di vĕṭṭam̐garānigoḽḽu niḍubāya
(||talam̐pu||)
sirabhogasaukhyamulam̐ jĕṁda nanubhavigāna
tiruveṁkaḍāsalādhīśhvaruṁḍāya
paraga saṁsārasaṁpadagu baddhum̐ḍu gāna
arudugā sagalāṁtarātmaguṁḍāya