తలఁపు దలఁపు లెస్స తగు లాయను
(॥పల్లవి॥)
తలఁపు దలఁపు లెస్స తగు లాయను
కలకంటి యిందుకె నిక్కము వలచెనయ్యా
(॥తలఁపు॥)
యేనుగపై నీవు రాఁగా యింతి పయ్యద జారఁగ
పూని మిద్దెమీఁద నుండి పొసఁగఁ జూచె
ఆని కరికుంభములు అంకుశాన నీ వూఁదిన
కానుక నీ చేఁతలకు గడు వలచెనయ్యా
(॥తలఁపు॥)
నీవు గుఱ్ఱముఁ దోలఁగ నెలఁత చిక్కు దీయుచు
తావుల మేడపై నుండి తప్పక చూచె
కావించి నీ సమకట్లలో నల్ల జల్లి
దూవిన నేరుపుల కెదురు వలచెనయ్యా
(॥తలఁపు॥)
తేరుపై నీ వెక్కి రాఁగా తెఱవ మై పులకించి
చేరువ వుప్పరి గెప్పెఁ జెలఁగి చచె
గారవించి వచ్చి శ్రీవెంకటనాథ నీవు గూడ
తారుకాణ చేఁతలకు దగ వలచెనయ్యా
(||pallavi||)
talam̐pu dalam̐pu lĕssa tagu lāyanu
kalagaṁṭi yiṁdugĕ nikkamu valasĕnayyā
(||talam̐pu||)
yenugabai nīvu rām̐gā yiṁti payyada jāram̐ga
pūni middĕmīm̐da nuṁḍi pŏsam̐gam̐ jūsĕ
āni kariguṁbhamulu aṁkuśhāna nī vūm̐dina
kānuga nī sem̐talagu gaḍu valasĕnayyā
(||talam̐pu||)
nīvu guṭramum̐ dolam̐ga nĕlam̐ta sikku dīyusu
tāvula meḍabai nuṁḍi tappaga sūsĕ
kāviṁchi nī samagaṭlalo nalla jalli
dūvina nerubula kĕduru valasĕnayyā
(||talam̐pu||)
terubai nī vĕkki rām̐gā tĕṟava mai pulagiṁchi
seruva vuppari gĕppĕm̐ jĕlam̐gi sasĕ
gāraviṁchi vachchi śhrīvĕṁkaḍanātha nīvu gūḍa
tārugāṇa sem̐talagu daga valasĕnayyā