(॥పల్లవి॥)
తలగరో లోకులు తడవకురో మమ్ము
కలిగినదిది మా కాఁపురము
(॥తల॥)
నరహరికీర్తన నానిన జిహ్వ
వొరుల నుతింపఁగ నోపదు జిహ్వ
మురహరు పదములు మొక్కిన శిరము
పరుల వందనకుఁ బరగదు శిరము
(॥తల॥)
శ్రీపతినే పూజించిన కరములు
చోఁపి యాచనకుఁ జొరవు కరములు
యేపున హరికడ కేఁగిన కాళ్ళు
పాపుల యిండ్లకుఁ బారవు కాళ్ళు
(॥తల॥)
శ్రీవేంకటపతిఁ జింతించు మనసు
దావతి నితరముఁ దలఁచదు మనసు
దేవుఁడతని యాధీనపు తనువు
తేవల నితరాధీనము గాదు
(||pallavi||)
talagaro logulu taḍavaguro mammu
kaliginadidi mā kām̐puramu
(||tala||)
naraharigīrdana nānina jihva
vŏrula nudiṁpam̐ga nobadu jihva
muraharu padamulu mŏkkina śhiramu
parula vaṁdanagum̐ baragadu śhiramu
(||tala||)
śhrībadine pūjiṁchina karamulu
som̐pi yāsanagum̐ jŏravu karamulu
yebuna harigaḍa kem̐gina kāḽḽu
pābula yiṁḍlagum̐ bāravu kāḽḽu
(||tala||)
śhrīveṁkaḍabadim̐ jiṁtiṁchu manasu
dāvadi nidaramum̐ dalam̐sadu manasu
devum̐ḍadani yādhīnabu tanuvu
tevala nidarādhīnamu gādu