(॥పల్లవి॥)
తగు మునులు ఋషులు తపములు సేయఁగ
గగనము మోచియుఁ గర్మము దెగదా
(॥తగు॥)
ధరణీధర మందరధర నగధర
చిరకౌస్తుభధర శ్రీధరా
కరిఁగాచితి కాకముఁ గాచితి నీ-
కరుణకుఁ బాత్రము గలదిదియా
(॥తగు॥)
భవహర మురహర భక్తపాపహర
భువనభారహర పురహరా
కవిసిన వురుతను గద్దను మెచ్చితి-
వివల నీదయకు నివియా గురుతు
(॥తగు॥)
శ్రీవేంకటపతి శేషగరుడపతి
భూవనితాపతి భూతపతి
గోవుల నేలితి కోఁతుల నేలితి
పావనపుఁ గృపకుఁ బాత్రము లివియా
(||pallavi||)
tagu munulu ṛṣhulu tabamulu seyam̐ga
gaganamu mosiyum̐ garmamu dĕgadā
(||tagu||)
dharaṇīdhara maṁdaradhara nagadhara
siragaustubhadhara śhrīdharā
karim̐gāsidi kāgamum̐ gāsidi nī-
karuṇagum̐ bātramu galadidiyā
(||tagu||)
bhavahara murahara bhaktabābahara
bhuvanabhārahara puraharā
kavisina vurudanu gaddanu mĕchchidi-
vivala nīdayagu niviyā gurudu
(||tagu||)
śhrīveṁkaḍabadi śheṣhagaruḍabadi
bhūvanidābadi bhūdabadi
govula nelidi kom̐tula nelidi
pāvanabum̐ gṛpagum̐ bātramu liviyā