తగవో బలిమో నీ తలఁపు నాతోఁ జెప్పర
(॥పల్లవి॥)
తగవో బలిమో నీ తలఁపు నాతోఁ జెప్పర
నగువమోముతోఁ గదిరినాథ నీవు
(॥తగవో॥)
యేరా వొద్దన్న మాన విల్లురికి నాతోను
మీరి నవ్వేవు కోమటిమేనరికమా
వారము వజ్జ మనక వాకిట నన్ను నాఁగేవు
పోరచి మావారు నీకుఁ బోఁక వెట్టిరా
(॥తగవో॥)
కొంత గొంత కోపించిన కొంగువట్టి నాతోను
రంతులు సేసేవు నీకు రాచబలిమా
వంతుకు వాసికి నన్ను వావిదేరఁ బిలిచేవు
కొంతైనా మావారు నీవుంకువ వట్టిరా
(॥తగవో॥)
గబ్బినై యదలించిన కన్నుల మొక్కుచునన్ను
గొబ్బునఁ గాఁగిలించేవు గొల్లదోమటా
అబ్బురపు శ్రీవెంకటాద్రినాథ కూడితివి
సిబ్బితివాయఁ బెండ్లి సేసిరా నీకూ
(||pallavi||)
tagavo balimo nī talam̐pu nādom̐ jĕppara
naguvamomudom̐ gadirinātha nīvu
(||tagavo||)
yerā vŏddanna māna villurigi nādonu
mīri navvevu komaḍimenarigamā
vāramu vajja managa vāgiḍa nannu nām̐gevu
porasi māvāru nīgum̐ bom̐ka vĕṭṭirā
(||tagavo||)
kŏṁta gŏṁta kobiṁchina kŏṁguvaṭṭi nādonu
raṁtulu sesevu nīgu rāsabalimā
vaṁtugu vāsigi nannu vāvideram̐ bilisevu
kŏṁtainā māvāru nīvuṁkuva vaṭṭirā
(||tagavo||)
gabbinai yadaliṁchina kannula mŏkkusunannu
gŏbbunam̐ gām̐giliṁchevu gŏlladomaḍā
abburabu śhrīvĕṁkaḍādrinātha kūḍidivi
sibbidivāyam̐ bĕṁḍli sesirā nīgū