తతిగాని యీపాటు దైవమా విచారించవే
(॥పల్లవి॥)
తతిగాని యీపాటు దైవమా విచారించవే
కతలాయఁ జెప్ప నేఁడు కలికాలమహిమ
(॥తతి॥)
తుటుములై భూసురుల తుండెములు మొండెములు
యిటువలె భూతములు యెట్టు మోఁచెనో
అటు బాలుల రొదలు ఆకాశమె ట్టోరిచెనో
కట కటా యిట్లాయఁ గలి కాల మహిమ
(॥తతి॥)
అంగలాచే కామినుల యంగ భంగపు దోఁపు
లింగితాన మింట సూర్యఁ డెట్టుచూచెనో
పొంగు నానాజాతిచేత భువనమెట్లానెనో
కంగి లోకమిట్లాయఁ కలికాలమహిమ
(॥తతి॥)
అరుదు గోహత్యలు సేయఁగ దూడ లంగలావ
సరి ధర్మదేవతెట్టు సమ్మతించెనో
పరధన చూరకెట్టు పట్టాయనో లక్ష్మి
కరుణ యెందణఁగెనో కలికాలమహిమ
(॥తతి॥)
దేవాలయాలు నానాదేశములెల్లాఁ జొచ్చి
దేవఁగా నెట్లుండిరో దేవతలు
తావులేలే రాజులకు దయ గొంత వుట్టదాయ
కావరమే ఘనమాయఁ గలి కాలమహిమ
(॥తతి॥)
నిరపరాధులఁ జంపి నెత్తురు వారించఁగాను
తెరల కెట్టుండిరో దిక్పాలులు
విరసవర్తనలుండే విపరీతకాలమున
గరువాలుఁ గపటాలే కలికాలమహిమ
(॥తతి॥)
వుపమించి దంపతులు వొకరొకరినిఁ జూడ
చపల దుఃఖములతో సమయఁగాను
తపములు జపములు ధర్మము లెందణఁగెనో
కపురుఁబాపాలు నిండెఁ గలికాలమహిమ
(॥తతి॥)
తలలు వట్టీడువఁగా తల్లులు బిడ్డలవేయ
తలఁపెట్టుండెనో యంతర్యామికి
మలసి ముక్కలుగోయ మరుఁడెట్టు వోరిచెనో
కలఁకలే ఘనమాయఁ గలికాలమహిమ
(॥తతి॥)
దీనత లోఁబడి గుండెదిగు లసురుసురులు
వానినెట్లు లోఁగొనో వాయుదేవుఁడు
గూను వంచి తల్లి చూడఁ గొడుకుఁ గుత్తిక గోయఁ
గానఁబడె నింతేసి కలికాలమహిమ
(॥తతి॥)
పలుమారు నమ్మించి ప్రాణములు గొనఁగాను
యిలఁ దమలోఁ బ్రాణాలెట్లుండెనో
నెలవై శ్రీ వేంకటేశ నీవే యెరుఁగుదువు
కలుషమే ఘనమాయఁ గలికాలమహిమ
(||pallavi||)
tadigāni yībāḍu daivamā visāriṁchave
kadalāyam̐ jĕppa nem̐ḍu kaligālamahima
(||tadi||)
tuḍumulai bhūsurula tuṁḍĕmulu mŏṁḍĕmulu
yiḍuvalĕ bhūdamulu yĕṭṭu mom̐sĕno
aḍu bālula rŏdalu āgāśhamĕ ṭṭorisĕno
kaḍa kaḍā yiṭlāyam̐ gali kāla mahima
(||tadi||)
aṁgalāse kāminula yaṁga bhaṁgabu dom̐pu
liṁgidāna miṁṭa sūryam̐ ḍĕṭṭusūsĕno
pŏṁgu nānājādiseda bhuvanamĕṭlānĕno
kaṁgi logamiṭlāyam̐ kaligālamahima
(||tadi||)
arudu gohatyalu seyam̐ga dūḍa laṁgalāva
sari dharmadevadĕṭṭu sammadiṁchĕno
paradhana sūragĕṭṭu paṭṭāyano lakṣhmi
karuṇa yĕṁdaṇam̐gĕno kaligālamahima
(||tadi||)
devālayālu nānādeśhamulĕllām̐ jŏchchi
devam̐gā nĕṭluṁḍiro devadalu
tāvulele rājulagu daya gŏṁta vuṭṭadāya
kāvarame ghanamāyam̐ gali kālamahima
(||tadi||)
nirabarādhulam̐ jaṁpi nĕtturu vāriṁcham̐gānu
tĕrala kĕṭṭuṁḍiro dikpālulu
virasavardanaluṁḍe vibarīdagālamuna
garuvālum̐ gabaḍāle kaligālamahima
(||tadi||)
vubamiṁchi daṁpadulu vŏgarŏgarinim̐ jūḍa
sabala duḥkhamulado samayam̐gānu
tabamulu jabamulu dharmamu lĕṁdaṇam̐gĕno
kaburum̐bābālu niṁḍĕm̐ galigālamahima
(||tadi||)
talalu vaṭṭīḍuvam̐gā tallulu biḍḍalaveya
talam̐pĕṭṭuṁḍĕno yaṁtaryāmigi
malasi mukkalugoya marum̐ḍĕṭṭu vorisĕno
kalam̐kale ghanamāyam̐ galigālamahima
(||tadi||)
dīnada lom̐baḍi guṁḍĕdigu lasurusurulu
vāninĕṭlu lom̐gŏno vāyudevum̐ḍu
gūnu vaṁchi talli sūḍam̐ gŏḍugum̐ guttiga goyam̐
gānam̐baḍĕ niṁtesi kaligālamahima
(||tadi||)
palumāru nammiṁchi prāṇamulu gŏnam̐gānu
yilam̐ damalom̐ brāṇālĕṭluṁḍĕno
nĕlavai śhrī veṁkaḍeśha nīve yĕrum̐guduvu
kaluṣhame ghanamāyam̐ galigālamahima