(॥పల్లవి॥)
తానేడ ఆతఁడేడ దయలు దలఁచ వచ్చీ
యీ నెపానఁ గంటిమిగా యివి గొన్ని సుద్దులు
(॥తానే॥)
నగుతా నాతనినంటే నాతో నీపె వాదించీ
తగవు చెప్పరే మీరు తనమగఁడా
జిగితో నేనేకతానఁ జేసేటి చేఁతలవేళ
అగపడి తానప్పుడడ్డాలువచ్చీనా
(॥తానే॥)
కొప్పు నేజారఁదీసితే కురులు దాఁగూడదువ్వీ
తప్పక చెప్పరే మీరు తనమగఁడా
చిప్పిలు రతులలోనఁ జీకాకు సేసేటివేళ
అప్పటివలెనే తావహించుకవచ్చీనా
(॥తానే॥)
చెమరించ నేఁగూడితే చేరి తావిసరవచ్చీ
తమకించక చెప్పరే తనమగఁడా
జమళి శ్రీవేంకటేశు సాదించేటి యట్టివేళ
గమిగూడుకొని తాను కావఁగవచ్చీనా
(||pallavi||)
tāneḍa ādam̐ḍeḍa dayalu dalam̐sa vachchī
yī nĕbānam̐ gaṁṭimigā yivi gŏnni suddulu
(||tāne||)
nagudā nādaninaṁṭe nādo nībĕ vādiṁchī
tagavu sĕppare mīru tanamagam̐ḍā
jigido nenegadānam̐ jeseḍi sem̐talaveḽa
agabaḍi tānappuḍaḍḍāluvachchīnā
(||tāne||)
kŏppu nejāram̐dīside kurulu dām̐gūḍaduvvī
tappaga sĕppare mīru tanamagam̐ḍā
sippilu radulalonam̐ jīgāgu seseḍiveḽa
appaḍivalĕne tāvahiṁchugavachchīnā
(||tāne||)
sĕmariṁcha nem̐gūḍide seri tāvisaravachchī
tamagiṁchaga sĕppare tanamagam̐ḍā
jamaḽi śhrīveṁkaḍeśhu sādiṁcheḍi yaṭṭiveḽa
gamigūḍugŏni tānu kāvam̐gavachchīnā