(॥పల్లవి॥)
తానే తెలియుఁ గాక తలఁచఁగ నెట్టువచ్చు
నానాగతుల తన నాటకపుమాయ
(॥తానే॥)
అట్టె యేఁబదియైన యక్షరాలలోనట
తిట్టులట వొకకొన్ని దీవెనలటా
మట్టుతో వేదములట మంత్రములట కొన్ని
యిట్టివి చిక్కులు భూమి నిఁకనెన్ని గలవో
(॥తానే॥)
కదిసిన యఱువదిగడియలలోనట
పొదలు నడకలట భోగములటా
నిదురట వొకకొంత నేరుపులు కొన్నియట
యెదుట చూడఁగఁ జూడ నిఁక నెన్ని గలవో
(॥తానే॥)
రేవగలు కన్నులివి రెంటిలోనేయట
దైవము జీవులలోనే తానకమట
శ్రీవేంకటాద్రిమీఁద జెలఁగి యా(గెనా?)తఁడే యట
యేవంక నీచేఁతలు యిఁక నెన్నిగలవో
(||pallavi||)
tāne tĕliyum̐ gāga talam̐sam̐ga nĕṭṭuvachchu
nānāgadula tana nāḍagabumāya
(||tāne||)
aṭṭĕ yem̐badiyaina yakṣharālalonaḍa
tiṭṭulaḍa vŏgagŏnni dīvĕnalaḍā
maṭṭudo vedamulaḍa maṁtramulaḍa kŏnni
yiṭṭivi sikkulu bhūmi nim̐kanĕnni galavo
(||tāne||)
kadisina yaṟuvadigaḍiyalalonaḍa
pŏdalu naḍagalaḍa bhogamulaḍā
niduraḍa vŏgagŏṁta nerubulu kŏnniyaḍa
yĕduḍa sūḍam̐gam̐ jūḍa nim̐ka nĕnni galavo
(||tāne||)
revagalu kannulivi rĕṁṭiloneyaḍa
daivamu jīvulalone tānagamaḍa
śhrīveṁkaḍādrimīm̐da jĕlam̐gi yā(gĕnā?)tam̐ḍe yaḍa
yevaṁka nīsem̐talu yim̐ka nĕnnigalavo