(॥పల్లవి॥)
తానే తానే యిందరి గురుఁడు
సానఁబట్టిన భోగి జ్ఞానయోగి
(॥తానె॥)
అపరిమితములైన యజ్ఞాలు వడిఁ జేయఁ
బ్రపన్నులకు బుద్ధి పచరించి
తపముగా ఫలపరిత్యాగము సేయించు
కపురుల గరిమల కర్మ యోగి
(॥తానె॥)
అన్ని చేఁతలును బ్రహ్మార్పణవిధిఁ జేయ
మన్నించు బుద్ధులను మరుగఁజెప్పి
వున్నతపదమున కొనరఁగఁ గరుణించ
పన్నగ శయనుఁడే బ్రహ్మ యోగి
(॥తానె॥)
తనరఁగఁ గపిలుఁడై దత్తాత్రేయుఁడై
ఘనమైన మహిమ శ్రీ వేంకటరాయఁడై
వొనరఁగ సంసారయోగము గృపసేయు
అనిమిషగతుల నభ్యాస యోగి
(||pallavi||)
tāne tāne yiṁdari gurum̐ḍu
sānam̐baṭṭina bhogi jñānayogi
(||tānĕ||)
abarimidamulaina yajñālu vaḍim̐ jeyam̐
brabannulagu buddhi pasariṁchi
tabamugā phalabarityāgamu seyiṁchu
kaburula garimala karma yogi
(||tānĕ||)
anni sem̐talunu brahmārbaṇavidhim̐ jeya
manniṁchu buddhulanu marugam̐jĕppi
vunnadabadamuna kŏnaram̐gam̐ garuṇiṁcha
pannaga śhayanum̐ḍe brahma yogi
(||tānĕ||)
tanaram̐gam̐ gabilum̐ḍai dattātreyum̐ḍai
ghanamaina mahima śhrī veṁkaḍarāyam̐ḍai
vŏnaram̐ga saṁsārayogamu gṛpaseyu
animiṣhagadula nabhyāsa yogi