താലോലം കിളി പൂത്താലി
തങ്കക്കുടത്തിനു പൊന്താലീ
ആകാശത്തിലെയമ്പിളിപ്പൈതലി-
ന്നായിരം കല്ലുള്ള മണിത്താലി (താലോലം)
പെറ്റമ്മ തന്നുടെ കണ്ണീരില് നിന്നും
പൊട്ടിവിരിഞ്ഞൊരീ പൊന്താമര
ഞങ്ങള്ക്കു കിട്ടിയ നിധിയല്ലോ
മംഗല്യമണിദീപതിരിയല്ലോ - തിരിയല്ലോ (താലോലം)
വിണ്ണിലെ കുഞ്ഞിനു പത്തുവെളുപ്പിനു
ചന്ദനപാത്തിയില് നീരാട്ട്
നാളേ പുലരിയില് അമ്മേടെ കുഞ്ഞിനു
നാലും വെച്ചുള്ള ചോറൂണ് (താലോലം)
ഊഞ്ഞാലാ പൊന്നൂഞ്ഞാലാ
ഊണും കഴിഞ്ഞാടാനൂഞ്ഞാലാ
പൊന്മുളംകാട്ടിലെയാറ്റയ്ക്കും പാറ്റയ്ക്കും
മുന്തിരിവള്ളിയിലൂഞ്ഞാലാ..
ഊഞ്ഞാലാ.. ഊഞ്ഞാലാ..
ഊഞ്ഞാലാ.. പൊന്നൂഞ്ഞാലാ