(॥పల్లవి॥)
స్వతంత్రుఁడవు నీవు సరిలేని దొరవు నే -
నతికమై యాడినట్లు ఆడఁబోయేవా
(॥స్వతం॥)
యెంత నీ మనసును యెట్టుండె నట్లనే
అంతయుఁ జేయవయ్య మాకదే చాలు
అంతకంటే నెక్కుడు నేమంటిమివో యటమీఁదఁ
జెంతల మా చెప్పినట్టు సేయఁబోయేవా
(॥స్వతం॥)
కమ్మి నీవు మునుప సంకల్పించినట్లనే
కిమ్ముల నా రీతిఁ జిత్తగించవయ్య
అమ్మరో నేమందుకుఁ గాదనినను నీవు
సమ్మతించి మాతలఁపు సాగనిచ్చేవా
(॥స్వతం॥)
పొంచీదేహమున మమ్ముఁ బుట్టించినట్లనే
పెంచి నీపై భక్తిమాకుఁ బెనచవయ్య
నించిన శ్రీవేంకటేశ నేనే పదరితిఁగాక
మంచితనములు నీవు మానఁబోయేవా
(||pallavi||)
svadaṁtrum̐ḍavu nīvu sarileni dŏravu ne -
nadigamai yāḍinaṭlu āḍam̐boyevā
(||svadaṁ||)
yĕṁta nī manasunu yĕṭṭuṁḍĕ naṭlane
aṁtayum̐ jeyavayya māgade sālu
aṁtagaṁṭe nĕkkuḍu nemaṁṭimivo yaḍamīm̐dam̐
jĕṁtala mā sĕppinaṭṭu seyam̐boyevā
(||svadaṁ||)
kammi nīvu munuba saṁkalbiṁchinaṭlane
kimmula nā rīdim̐ jittagiṁchavayya
ammaro nemaṁdugum̐ gādaninanu nīvu
sammadiṁchi mādalam̐pu sāganichchevā
(||svadaṁ||)
pŏṁchīdehamuna mammum̐ buṭṭiṁchinaṭlane
pĕṁchi nībai bhaktimāgum̐ bĕnasavayya
niṁchina śhrīveṁkaḍeśha nene padaridim̐gāga
maṁchidanamulu nīvu mānam̐boyevā