(॥పల్లవి॥)
సువ్వి సువ్వి సువ్వని
సుదతులు దంచెదరోలాల
(॥సువ్వి॥)
వనితల మననులు కుందెన చేసిటు
వలపులు తగ నించో లాల
కనుసన్నలనెడు రోఁకండ్లను
కన్నెలు దంచెదరోలాల
(॥సువ్వి॥)
బంగారు చెరఁగుల పట్టుపుట్టముల-
కొంగులు దూలఁగనోలాల
అంగనలందరు నతివేడుకతో
సంగడి దంచెదరోలాల
(॥సువ్వి॥)
కురులు దూలఁగ మంచి గుబ్బచన్నులపై
సరులు దూలాడఁగ నోలాల
అరవిరి బాగుల నతివలు ముద్దులు
గురియుచు దంచెదరోలాల
(॥సువ్వి॥)
ఘల్లు ఘల్లుమని కంకణరవములు
పల్లవ పాణులకోలాల
అల్లన నడుములు అసియాడుచు సతు-
లొల్లనె దంచెదరోలాల
(॥సువ్వి॥)
కప్పుర గందులు కమ్మని పువ్వుల-
చప్పరములలో నోలాల
తెప్పలుగా రతిఁ దేలుచుఁ గోనే-
టప్పనిఁ బాడెదరోలాల
(||pallavi||)
suvvi suvvi suvvani
sudadulu daṁchĕdarolāla
(||suvvi||)
vanidala mananulu kuṁdĕna sesiḍu
valabulu taga niṁcho lāla
kanusannalanĕḍu rom̐kaṁḍlanu
kannĕlu daṁchĕdarolāla
(||suvvi||)
baṁgāru sĕram̐gula paṭṭubuṭṭamula-
kŏṁgulu dūlam̐ganolāla
aṁganalaṁdaru nadiveḍugado
saṁgaḍi daṁchĕdarolāla
(||suvvi||)
kurulu dūlam̐ga maṁchi gubbasannulabai
sarulu dūlāḍam̐ga nolāla
araviri bāgula nadivalu muddulu
guriyusu daṁchĕdarolāla
(||suvvi||)
ghallu ghallumani kaṁkaṇaravamulu
pallava pāṇulagolāla
allana naḍumulu asiyāḍusu sadu-
lŏllanĕ daṁchĕdarolāla
(||suvvi||)
kappura gaṁdulu kammani puvvula-
sapparamulalo nolāla
tĕppalugā radim̐ delusum̐ gone-
ṭappanim̐ bāḍĕdarolāla