చుట్టపువరుసఁ గొంత చూచిఁ గాక
(॥పల్లవి॥)
చుట్టపువరుసఁ గొంత చూచిఁ గాక
అట్టె యే మన్నా నెదురాడేవా నీవు
(॥చుట్టపు॥)
అలిగి రాకుండఁగాను ఆనలె పట్టెఁ గాక
చెలి నిన్నుఁ దిట్టితేను చెల్లదా నేఁడు
వులవచ్చి సిగ్గుతోడ నూరకున్న నుండెఁ గాక
చలివాయఁ జెనకితే జంకించేవా నీవు
(॥చుట్టపు॥)
పంతము నీ వాడఁగాను పాడియె నడపెఁగాక
కాంత యేది దలఁచినాఁ గాక మానీనా
జంతతనమేలంటాఁ జక్కనుంటె నుండెఁ గాక
దొంతిగాఁ బై నొరగితే దూరేవా నీవు
(॥చుట్టపు॥)
చెక్కు నొక్కి కూడఁగాను సెలవినె నవ్వెఁ గాక
చుక్కలు మోవి నించితే సూడు వట్టేవా
యెక్కువ శ్రీ వెంకటేశ యింతి నీతో నొక్కటాయ
మక్కువ నీ మేలింకా మరచేవా నీవు
(||pallavi||)
suṭṭabuvarusam̐ gŏṁta sūsim̐ gāga
aṭṭĕ ye mannā nĕdurāḍevā nīvu
(||suṭṭabu||)
aligi rāguṁḍam̐gānu ānalĕ paṭṭĕm̐ gāga
sĕli ninnum̐ diṭṭidenu sĕlladā nem̐ḍu
vulavachchi siggudoḍa nūragunna nuṁḍĕm̐ gāga
salivāyam̐ jĕnagide jaṁkiṁchevā nīvu
(||suṭṭabu||)
paṁtamu nī vāḍam̐gānu pāḍiyĕ naḍabĕm̐gāga
kāṁta yedi dalam̐sinām̐ gāga mānīnā
jaṁtadanamelaṁṭām̐ jakkanuṁṭĕ nuṁḍĕm̐ gāga
dŏṁtigām̐ bai nŏragide dūrevā nīvu
(||suṭṭabu||)
sĕkku nŏkki kūḍam̐gānu sĕlavinĕ navvĕm̐ gāga
sukkalu movi niṁchide sūḍu vaṭṭevā
yĕkkuva śhrī vĕṁkaḍeśha yiṁti nīdo nŏkkaḍāya
makkuva nī meliṁkā marasevā nīvu