సురలు సంతోషించి రసురలెల్లా నడఁగిరి
(॥పల్లవి॥)
సురలు సంతోషించి రసురలెల్లా నడఁగిరి
తొరలి దిక్కుల దేవదుందుభులు మొరసె
(॥సుర॥)
కఁడగి వసుదేవుని కాంత దేవకిదేవికి
వుడివోని వేడుకఁ జంద్రోదయవేళ
కొడుకై జన్మించినాఁడు కూరిమి శ్రీకృష్ణుఁడు
నడురేయి నిదే శ్రావణబహుళాష్టమిని
(॥సుర॥)
రేపల్లె కెమున దాఁటి రేతిరే తెచ్చి తండ్రి
పాపని యశోదవద్దఁ బండఁగఁ బెట్టి
ఆపొద్దే మధురలోని కాఁడుఁబాపఁ దెచ్చుకొనె
కోపగించి కంసుని మార్కొనె నందనందని
(॥సుర॥)
పురుఁడు వెళ్లెను మరి పుణ్యావాజన సేసిరి
మురిపేన గొల్లెతలు ముద్దాడిరి
అరిది శ్రీవేంకటేశుఁ డలమేలుమంగపతై
యిరవై కొల్చినవారి నిందరి రక్షించెను
(||pallavi||)
suralu saṁtoṣhiṁchi rasuralĕllā naḍam̐giri
tŏrali dikkula devaduṁdubhulu mŏrasĕ
(||sura||)
kam̐ḍagi vasudevuni kāṁta devagidevigi
vuḍivoni veḍugam̐ jaṁdrodayaveḽa
kŏḍugai janmiṁchinām̐ḍu kūrimi śhrīkṛṣhṇum̐ḍu
naḍureyi nide śhrāvaṇabahuḽāṣhṭamini
(||sura||)
reballĕ kĕmuna dām̐ṭi redire tĕchchi taṁḍri
pābani yaśhodavaddam̐ baṁḍam̐gam̐ bĕṭṭi
ābŏdde madhuraloni kām̐ḍum̐bābam̐ dĕchchugŏnĕ
kobagiṁchi kaṁsuni mārgŏnĕ naṁdanaṁdani
(||sura||)
purum̐ḍu vĕḽlĕnu mari puṇyāvājana sesiri
muribena gŏllĕdalu muddāḍiri
aridi śhrīveṁkaḍeśhum̐ ḍalamelumaṁgabadai
yiravai kŏlsinavāri niṁdari rakṣhiṁchĕnu