(॥పల్లవి॥)
సులభుఁడై వున్నాఁడు సుగ్రీవనారసింహుఁడు
నెలకొన్న దాసులకు నిధానము వీఁడే
(॥సుల॥)
తుంగభద్రా తటమున తొడపై నిందిర తోడ
సింగారించుకొన్నవేల్పుసింహము వీఁడే
సంగతిగా దేవతలు జయవెట్టి కొలువఁగా
చెంగటనే మహిమలఁ జెలరేఁగీ వీఁడే
(॥సుల॥)
చలువ బండలమీఁద చక్కని కొండల దండ
అలరీని వీరనరహరి వీఁడె
వెలయు శంఖచక్రాల వేవేలు హస్తములతో
బలవంతుఁడై వున్నాఁడు పంతముతో వీఁడే
(॥సుల॥)
పువ్వులతోఁటలనీడ భువనేశ్వరములోన
జవ్వనపు మనుజ కేసరి వీఁడె
ఇవ్వల శ్రీ వేంకటాద్రి నిరవై వరములిచ్చి
నవ్వుమోముతోడ భువనము లేలీ వీఁడే
(||pallavi||)
sulabhum̐ḍai vunnām̐ḍu sugrīvanārasiṁhum̐ḍu
nĕlagŏnna dāsulagu nidhānamu vīm̐ḍe
(||sula||)
tuṁgabhadrā taḍamuna tŏḍabai niṁdira toḍa
siṁgāriṁchugŏnnavelbusiṁhamu vīm̐ḍe
saṁgadigā devadalu jayavĕṭṭi kŏluvam̐gā
sĕṁgaḍane mahimalam̐ jĕlarem̐gī vīm̐ḍe
(||sula||)
saluva baṁḍalamīm̐da sakkani kŏṁḍala daṁḍa
alarīni vīranarahari vīm̐ḍĕ
vĕlayu śhaṁkhasakrāla vevelu hastamulado
balavaṁtum̐ḍai vunnām̐ḍu paṁtamudo vīm̐ḍe
(||sula||)
puvvuladom̐ṭalanīḍa bhuvaneśhvaramulona
javvanabu manuja kesari vīm̐ḍĕ
ivvala śhrī veṁkaḍādri niravai varamulichchi
navvumomudoḍa bhuvanamu lelī vīm̐ḍe