సులభుఁ డీతఁ డిదివో సుగ్రీవనారసింహుఁడు
(॥పల్లవి॥)
సులభుఁ డీతఁ డిదివో సుగ్రీవనారసింహుఁడు
చెలఁగి మొక్కులు మొక్కి సేవించరో
(॥సుల॥)
నవ్వులమోమువాఁడు నానామహిమలవాఁడు
రవ్వలుగా దేవతల రక్షించేవాఁడు
వువ్విళ్ళూర కంభములో నుదయించినవాఁడు
నివ్వటిల్లు ప్రతాపాన నెగడినవాఁడు
(॥సుల॥)
హేమపుచాయలవాఁడు యెదుటఁగొల్వున్నవాఁడు
కోమలిఁ దొడపై నిడుకొన్నవాఁడు
కోమలపుమేనివాఁడు గొప్పకిరీటమువాఁడు
చేముంచి హిరణ్యదైత్యుఁ జించినవాఁడు
(॥సుల॥)
వాలుకగోళ్లవాఁడు వాఁడికోరలవాఁడు
మేలిమికరుణతోడ మించినవాఁడు
వోలిఁ దుంగభద్రకాడనుండి శ్రీవేంకటాద్రిని
లీలతోఁ బ్రహ్లాదుని కేలికెయైనవాఁడు
(||pallavi||)
sulabhum̐ ḍīdam̐ ḍidivo sugrīvanārasiṁhum̐ḍu
sĕlam̐gi mŏkkulu mŏkki seviṁcharo
(||sula||)
navvulamomuvām̐ḍu nānāmahimalavām̐ḍu
ravvalugā devadala rakṣhiṁchevām̐ḍu
vuvviḽḽūra kaṁbhamulo nudayiṁchinavām̐ḍu
nivvaḍillu pradābāna nĕgaḍinavām̐ḍu
(||sula||)
hemabusāyalavām̐ḍu yĕduḍam̐gŏlvunnavām̐ḍu
komalim̐ dŏḍabai niḍugŏnnavām̐ḍu
komalabumenivām̐ḍu gŏppagirīḍamuvām̐ḍu
semuṁchi hiraṇyadaityum̐ jiṁchinavām̐ḍu
(||sula||)
vālugagoḽlavām̐ḍu vām̐ḍigoralavām̐ḍu
melimigaruṇadoḍa miṁchinavām̐ḍu
volim̐ duṁgabhadragāḍanuṁḍi śhrīveṁkaḍādrini
līladom̐ brahlāduni keligĕyainavām̐ḍu