Kadalinnagaadhamaam neelimayil

കടലിന്നഗാധമാം നീലിമയില്‍
കതിര്‍ ചിന്നും മുത്തുപോലെ
പവിഴംപോലെ...
കമനി നിന്‍ ഹൃദയത്തിന്നാഴത്തിലാരാരും
അറിയാതെ കാത്തുവച്ചതേതു രാഗം
അരുമയാം അനുരാഗപത്മരാഗം
കതിര്‍ ചിന്നും മുത്തുപോലെ
പവിഴംപോലെ...
(കടലിന്‍...)

നിന്‍ നേര്‍ക്കെഴുമെന്‍ നിഗൂഢമാം രാഗത്തിന്‍
ചെമ്മണി മാണിക്യം...
എന്റെ മനസ്സിന്നഗാധഹൃദത്തിലു-
ണ്ടിന്നതെടുത്തുകൊള്‍ക...
(കടലിന്‍...)

നര്‍ത്തനമാടുവാന്‍ മോഹമാണെങ്കിലീ‍
ഹൃത്തടം വേദിയാക്കൂ...
എന്നന്തരംഗനികുഞ്ജത്തിലേതോ
ഗന്ധർവ്വര്‍ പാടാന്‍ വന്നൂ...
(കടലിന്‍...)