సుగ్రీవనారసింహుని జూడరో వాఁడె
(॥పల్లవి॥)
సుగ్రీవనారసింహుని జూడరో వాఁడె
అగ్రపూజ గొన్నవాఁడు ఆదిసింహము
(॥సుగ్రీవ॥)
దేవతలు జయవెట్టి దివినుండి పొగడఁగ
దేవులతోఁ గూడున్నాఁడు దివ్య సింహము
భావింప నెట్టనెదుట ప్రహ్లాదుఁడుండఁగాను
వేవేలు నవ్వులు నవ్వీ విజయ సింహము
(॥సుగ్రీవ॥)
అసురలను గెలిచి అదె సింహాసనముపై
వెసఁగొలువున్నాడు వీర సింహము
పసిడివర్ణముతోడ బహుదివ్యాయుధాలతో
దెసల వెలుగొందీని ధీర సింహము
(॥సుగ్రీవ॥)
నానాభరణాలు వెట్టి నమ్మినదాసులనెల్ల
ఆనుకొని రక్షించీఁ బ్రత్యక్ష సింహము
పూని శ్రీవేంకటాద్రిని బుధులెల్లాఁ గొలువఁగా
నానావరము లొసఁగీ మానవ సింహము
(||pallavi||)
sugrīvanārasiṁhuni jūḍaro vām̐ḍĕ
agrabūja gŏnnavām̐ḍu ādisiṁhamu
(||sugrīva||)
devadalu jayavĕṭṭi divinuṁḍi pŏgaḍam̐ga
devuladom̐ gūḍunnām̐ḍu divya siṁhamu
bhāviṁpa nĕṭṭanĕduḍa prahlādum̐ḍuṁḍam̐gānu
vevelu navvulu navvī vijaya siṁhamu
(||sugrīva||)
asuralanu gĕlisi adĕ siṁhāsanamubai
vĕsam̐gŏluvunnāḍu vīra siṁhamu
pasiḍivarṇamudoḍa bahudivyāyudhālado
dĕsala vĕlugŏṁdīni dhīra siṁhamu
(||sugrīva||)
nānābharaṇālu vĕṭṭi namminadāsulanĕlla
ānugŏni rakṣhiṁchīm̐ bratyakṣha siṁhamu
pūni śhrīveṁkaḍādrini budhulĕllām̐ gŏluvam̐gā
nānāvaramu lŏsam̐gī mānava siṁhamu