(॥పల్లవి॥)
సుగ్రీవనారసింహ సులభుఁడ వందరికి -
నగ్రేసరుఁడ నీ వవధారు దేవా
(॥సుగ్రీ॥)
సనకాదు లొకవంక జయవెట్టుచున్నారు
యెనసి సురలు చేతులెత్తి మొక్కేరు
మును లిరుమేలానుండి మునుకొని నుతించేరు
అనుపమాలంకార అవధారు దేవా
(॥సుగ్రీ॥)
గంగాది నదు లెల్లఁ గడిగీ నీ పాదములు
పొంగుచు సప్త రుషులు పూజించేరు
సంగతి వాయుదేఁడు సరినాల వట్టమిడీ
అంగజ కోటి రూప యవధారు దేవా
(॥సుగ్రీ॥)
పరగ నారదాదులు పాడేరు నీ చరితలు
పరమ యోగీంద్రులు భావించేరు
సిరులు మించిన యట్టి శ్రీ వేంకటాద్రిమీఁద-
నరుదుగ నున్నాఁడవు అవధారు దేవా
(||pallavi||)
sugrīvanārasiṁha sulabhum̐ḍa vaṁdarigi -
nagresarum̐ḍa nī vavadhāru devā
(||sugrī||)
sanagādu lŏgavaṁka jayavĕṭṭusunnāru
yĕnasi suralu sedulĕtti mŏkkeru
munu lirumelānuṁḍi munugŏni nudiṁcheru
anubamālaṁkāra avadhāru devā
(||sugrī||)
gaṁgādi nadu lĕllam̐ gaḍigī nī pādamulu
pŏṁgusu sapta ruṣhulu pūjiṁcheru
saṁgadi vāyudem̐ḍu sarināla vaṭṭamiḍī
aṁgaja koḍi rūba yavadhāru devā
(||sugrī||)
paraga nāradādulu pāḍeru nī saridalu
parama yogīṁdrulu bhāviṁcheru
sirulu miṁchina yaṭṭi śhrī veṁkaḍādrimīm̐da-
naruduga nunnām̐ḍavu avadhāru devā