సుదతి సింగారాలు చూడరమ్మ చెలులాల
(॥పల్లవి॥)
సుదతి సింగారాలు చూడరమ్మ చెలులాల
మదను బలాల మారుమలయ వలసెను
(॥సుదతి॥)
జక్కవలె చన్నులై జంటవాయకుండఁగాను
పక్కనఁ గొండలతోడి పంగెమేఁటికే
నిక్కిచందురుఁడే మోమై నిండుఁగళలుదేరఁగ
పుక్కటనద్దముతోడి పురుడేఁటికే
(॥సుదతి॥)
తుమ్మిదలే తురుమై తోదోపులాడఁగాను
సమ్మతిఁ జీఁకటితోడి సడ్డయేఁటికే
నెమ్మదిని సింహమే నెన్నడుమై వుండఁగాను
వుమ్మిడినాకసముతో వుపమేఁటికే
(॥సుదతి॥)
చిగురులే పాదములై చెలువములు చూపఁగా
పొగరుఁదామరలతో పొందులేఁటికే
జిగి నేఁడీయింతితోడ శ్రీ వేంకటేశుఁడు గూడె
తగునంటానెన్నైనానందాలు చెప్పసేఁటికే
(||pallavi||)
sudadi siṁgārālu sūḍaramma sĕlulāla
madanu balāla mārumalaya valasĕnu
(||sudadi||)
jakkavalĕ sannulai jaṁṭavāyaguṁḍam̐gānu
pakkanam̐ gŏṁḍaladoḍi paṁgĕmem̐ṭige
nikkisaṁdurum̐ḍe momai niṁḍum̐gaḽaluderam̐ga
pukkaḍanaddamudoḍi puruḍem̐ṭige
(||sudadi||)
tummidale turumai todobulāḍam̐gānu
sammadim̐ jīm̐kaḍidoḍi saḍḍayem̐ṭige
nĕmmadini siṁhame nĕnnaḍumai vuṁḍam̐gānu
vummiḍināgasamudo vubamem̐ṭige
(||sudadi||)
sigurule pādamulai sĕluvamulu sūbam̐gā
pŏgarum̐dāmaralado pŏṁdulem̐ṭige
jigi nem̐ḍīyiṁtidoḍa śhrī veṁkaḍeśhum̐ḍu gūḍĕ
tagunaṁṭānĕnnainānaṁdālu sĕppasem̐ṭige