(॥పల్లవి॥)
సుదతి నీచరితలు చూచీఁగాక
యెదిరించి పైకొంటే నేమనేవు
(॥సుద॥)
సింగారించుకొని వచ్చి చెలి నిలుచుండఁగాను
అంగవించి వద్దికి రమ్మని యనవు
కొంగువట్టి తీసి నిన్నుఁ గూరిమిగొసరి మోవి
యెంగిలి చేసితే నాపె నేమనేవు
(॥సుద॥)
కలువలు గానుకిచ్చి కాంత నీమోము చూడఁగ
పిలిచి యాపెఁగూచుండఁబెట్టు మనవు
బలిమి నిన్నుఁ బరపుపైఁ బవళించఁజేసి
యెలమి నాపె మీరితే నేమనేవు
(॥సుద॥)
అట్టె గందవొడి చల్లి అలమేలుమంగ నవ్వఁగా
దిట్టవై సిగ్గులుదేరఁ దెరవేయవు
గుట్టున శ్రీవేంకటేశ కూడె నిన్ను నీకె యిఁక
యెట్టు దమకించినాను యేమనేవు
(||pallavi||)
sudadi nīsaridalu sūsīm̐gāga
yĕdiriṁchi paigŏṁṭe nemanevu
(||suda||)
siṁgāriṁchugŏni vachchi sĕli nilusuṁḍam̐gānu
aṁgaviṁchi vaddigi rammani yanavu
kŏṁguvaṭṭi tīsi ninnum̐ gūrimigŏsari movi
yĕṁgili seside nābĕ nemanevu
(||suda||)
kaluvalu gānugichchi kāṁta nīmomu sūḍam̐ga
pilisi yābĕm̐gūsuṁḍam̐bĕṭṭu manavu
balimi ninnum̐ barabubaim̐ bavaḽiṁcham̐jesi
yĕlami nābĕ mīride nemanevu
(||suda||)
aṭṭĕ gaṁdavŏḍi salli alamelumaṁga navvam̐gā
diṭṭavai sigguluderam̐ dĕraveyavu
guṭṭuna śhrīveṁkaḍeśha kūḍĕ ninnu nīgĕ yim̐ka
yĕṭṭu damagiṁchinānu yemanevu