(॥పల్లవి॥)
సుదతి నీ కింతవంటా చూచెఁ గాని
యెదనున్న నీ తలం పెఱుఁగలేదాయె
(॥సుదతి॥)
తగులనాడితి వంటా తమక మందితి వంటా
నగితివంటా నింతి నమ్మెఁ గాని
జగడించి వేఱొక్క సతికి మోహము సేసి
తెగి తన్ను విడిచేది తెలియలేదాయె
(॥సుదతి॥)
కలలో వచ్చితివంటా కన్నుల మొక్కితివంటా
వెలఁది పువ్వుల బంతి వేసెఁ గాని
కలికి చేఁతల వట్టికాఁకలు వొడమించి
తలవంపిఁచేవని తలఁచలేదాయె
(॥సుదతి॥)
వేరుసేయ వంటా వేంకటపతి వంటా
కూరిమి గలవంటాఁ గూడెఁ గాని
నేరుపు మెరయించి నెలఁత నీ వెంతేని
ఊరడించినదాఁక నుండలేదాయె
(||pallavi||)
sudadi nī kiṁtavaṁṭā sūsĕm̐ gāni
yĕdanunna nī talaṁ pĕṟum̐galedāyĕ
(||sudadi||)
tagulanāḍidi vaṁṭā tamaga maṁdidi vaṁṭā
nagidivaṁṭā niṁti nammĕm̐ gāni
jagaḍiṁchi veṟŏkka sadigi mohamu sesi
tĕgi tannu viḍisedi tĕliyaledāyĕ
(||sudadi||)
kalalo vachchidivaṁṭā kannula mŏkkidivaṁṭā
vĕlam̐di puvvula baṁti vesĕm̐ gāni
kaligi sem̐tala vaṭṭigām̐kalu vŏḍamiṁchi
talavaṁpim̐sevani talam̐saledāyĕ
(||sudadi||)
veruseya vaṁṭā veṁkaḍabadi vaṁṭā
kūrimi galavaṁṭām̐ gūḍĕm̐ gāni
nerubu mĕrayiṁchi nĕlam̐ta nī vĕṁteni
ūraḍiṁchinadām̐ka nuṁḍaledāyĕ