సొరిది నీపంతాలెల్లాఁ జూచేరా నేను
(॥పల్లవి॥)
సొరిది నీపంతాలెల్లాఁ జూచేరా నేను
సిరుల నీ కోరికలు చెల్లించేరా నేను
(॥సొరి॥)
అంతేసి నాకేమి చెప్పే వందుకేమి కానీలేరా
వింతలు నీసఁతలెల్లా వింటిరా నేను
యెంతకెంత నీతోను యిప్పటనుండీ నేల
చెంత నీచిత్తమురాను సేసేరా నేను
(॥సొరి॥)
నన్నేమి చెక్కు నొక్కేవు నవ్వువచ్చీ నాయలేరా
కన్నులారా నీఁచేతలు కంటిరా నేను
సన్నలా చాయలా నిన్ను సాదించఁగ మరియేల
మిన్నక కూచండ నిన్నే మెప్పించేరా నేను
(॥సొరి॥)
సారెఁ గాఁగిలించేవు చలములు దీరెలేరా
చేరి నీపొందులఁ దనిసితిరా నేను
యీరీతి శ్రీవేంకటేశ యిఁకఁ గాదనఁగనేల
కూరిమితో నిన్ను వేఁడుకొనేరా నేను
(||pallavi||)
sŏridi nībaṁtālĕllām̐ jūserā nenu
sirula nī korigalu sĕlliṁcherā nenu
(||sŏri||)
aṁtesi nāgemi sĕppe vaṁdugemi kānīlerā
viṁtalu nīsam̐talĕllā viṁṭirā nenu
yĕṁtagĕṁta nīdonu yippaḍanuṁḍī nela
sĕṁta nīsittamurānu seserā nenu
(||sŏri||)
nannemi sĕkku nŏkkevu navvuvachchī nāyalerā
kannulārā nīm̐sedalu kaṁṭirā nenu
sannalā sāyalā ninnu sādiṁcham̐ga mariyela
minnaga kūsaṁḍa ninne mĕppiṁcherā nenu
(||sŏri||)
sārĕm̐ gām̐giliṁchevu salamulu dīrĕlerā
seri nībŏṁdulam̐ danisidirā nenu
yīrīdi śhrīveṁkaḍeśha yim̐kam̐ gādanam̐ganela
kūrimido ninnu vem̐ḍugŏnerā nenu