(॥పల్లవి॥)
సొరిది నీ జాడ లెల్లఁ జూచుట గాక
యెరవు సతము లెంచ నిఁక నేల విభుఁడా
(॥సొరి॥)
నీవే నే నైతే నిలుచుందువా ఆడ
వోవరి నామీఁద నొరగుందువు గాక
పూవే పిందైతే పూఁప లనే మాఁట లేల
చేవదీరి శమువలెఁ జెప్పి చూపుఁ గాకా
(॥సొరి॥)
తమకమే కలిగితే దవ్వుల మాటాడుదువా
అమరి నాతో నేకత మాడుదు గాక
కమలమే కలువైతేఁ గడరేయి మొగుచునా
సమమై కాంచనముల జాడ నుండుఁ గాక
(॥సొరి॥)
చిత్తము లేకము లైతేఁ జేతి కిత్తువా విడెము
పొత్తుల మోవినె అంది యిత్తువు గాక
యిత్తల శ్రీవెంకటేశ యిటు గూడిన నీ పొందు
హత్తి పాలునీరువలె నైక్యమాయఁ గాక
(||pallavi||)
sŏridi nī jāḍa lĕllam̐ jūsuḍa gāga
yĕravu sadamu lĕṁcha nim̐ka nela vibhum̐ḍā
(||sŏri||)
nīve ne naide nilusuṁduvā āḍa
vovari nāmīm̐da nŏraguṁduvu gāga
pūve piṁdaide pūm̐pa lane mām̐ṭa lela
sevadīri śhamuvalĕm̐ jĕppi sūbum̐ gāgā
(||sŏri||)
tamagame kaligide davvula māḍāḍuduvā
amari nādo negada māḍudu gāga
kamalame kaluvaidem̐ gaḍareyi mŏgusunā
samamai kāṁchanamula jāḍa nuṁḍum̐ gāga
(||sŏri||)
sittamu legamu laidem̐ jedi kittuvā viḍĕmu
pŏttula movinĕ aṁdi yittuvu gāga
yittala śhrīvĕṁkaḍeśha yiḍu gūḍina nī pŏṁdu
hatti pālunīruvalĕ naikyamāyam̐ gāga