సొరిది మమ్మిట దయఁజూతువు గాకా
(॥పల్లవి॥)
సొరిది మమ్మిట దయఁజూతువు గాకా
వెరసి మరి యెక్కడా నేమి విన్నవించే మిఁకను
(॥సొరి॥)
తలఁచితి నీరూపము తగిలితి నీపాదాలు
కలసితి నీదాసుల గమిలోనను
చలివాసె భవములు సడిదీరెఁ గర్మములు
యెలమి నీమహిమలు యేమి చెప్పే మిఁకను
(॥సొరి॥)
నీముద్రలు ధరించితి నీగుణాలు వొగడితి
చేముట్టి పూజించితి శ్రీయంగాలు
తామసములెల్లా నూడె తతివచ్చె సాత్వికము
గోమున మరేమి నిన్ను కొసరే మిఁకను
(॥సొరి॥)
తిరుమణి ధరించితి తీర్థపస్రాదాలు గొంటి
విరవైన నీకథలు వీనుల వింటి
పరగ శ్రీవేంకటేశ పరము నిహముఁ గంటి
అరసి యితర మేమి ఆశపడే మిఁకను
(||pallavi||)
sŏridi mammiḍa dayam̐jūduvu gāgā
vĕrasi mari yĕkkaḍā nemi vinnaviṁche mim̐kanu
(||sŏri||)
talam̐sidi nīrūbamu tagilidi nībādālu
kalasidi nīdāsula gamilonanu
salivāsĕ bhavamulu saḍidīrĕm̐ garmamulu
yĕlami nīmahimalu yemi sĕppe mim̐kanu
(||sŏri||)
nīmudralu dhariṁchidi nīguṇālu vŏgaḍidi
semuṭṭi pūjiṁchidi śhrīyaṁgālu
tāmasamulĕllā nūḍĕ tadivachchĕ sātvigamu
gomuna maremi ninnu kŏsare mim̐kanu
(||sŏri||)
tirumaṇi dhariṁchidi tīrdhabasrādālu gŏṁṭi
viravaina nīgathalu vīnula viṁṭi
paraga śhrīveṁkaḍeśha paramu nihamum̐ gaṁṭi
arasi yidara memi āśhabaḍe mim̐kanu