చూచితి నప్పుడే వాని సోరణగండ్ల నేను
(॥పల్లవి॥)
చూచితి నప్పుడే వాని సోరణగండ్ల నేను
యేచి వేరె సింగారించి యిటు దోడి తేరే
(॥చూచితి॥)
గందవొడి చల్లరెకడుఁ జెమరించె మేను
ముందు ముందు విడెమీరె మోవివాడెను
చెంది నే నవిచూచితే సిగ్గువడీ నాతఁడు
మందలించి యలపార్చి మరితోడితేరే
(॥చూచితి॥)
నిండఁ బన్నీరు చల్లరె నిట్టూర్పు నించీని
దండనె విసరరె దప్పిఁ బొందీని
వొండుపచారాలు నే నొకటిసేసినా లోఁగీ
యెండలెల్లఁ బాపి తగ నిటుదోడితేరే
(॥చూచితి॥)
విరులు పైఁ జల్లరె వెట్టఁ బొరలున్నవాఁడు
తొరలఁ గప్పురమీరె తొట్టీఁ దగ
యిరవై శ్రీవెంకటేశుఁ డిట్టె నన్ను ముందుగూడె
సరినాపెఁ గూడివచ్చె చాలుఁ దోడితేరే
(||pallavi||)
sūsidi nappuḍe vāni soraṇagaṁḍla nenu
yesi verĕ siṁgāriṁchi yiḍu doḍi tere
(||sūsidi||)
gaṁdavŏḍi sallarĕgaḍum̐ jĕmariṁchĕ menu
muṁdu muṁdu viḍĕmīrĕ movivāḍĕnu
sĕṁdi ne navisūside sigguvaḍī nādam̐ḍu
maṁdaliṁchi yalabārsi maridoḍidere
(||sūsidi||)
niṁḍam̐ bannīru sallarĕ niṭṭūrbu niṁchīni
daṁḍanĕ visararĕ dappim̐ bŏṁdīni
vŏṁḍubasārālu ne nŏgaḍisesinā lom̐gī
yĕṁḍalĕllam̐ bābi taga niḍudoḍidere
(||sūsidi||)
virulu paim̐ jallarĕ vĕṭṭam̐ bŏralunnavām̐ḍu
tŏralam̐ gappuramīrĕ tŏṭṭīm̐ daga
yiravai śhrīvĕṁkaḍeśhum̐ ḍiṭṭĕ nannu muṁdugūḍĕ
sarinābĕm̐ gūḍivachchĕ sālum̐ doḍidere