(॥పల్లవి॥)
చూచే చూపొకటి సూటిగుఱి యొకటి
తాచి రెండు నొకటైతే దైవమే సుండీ
(॥చూచే॥)
యేనుగఁ దలఁచితే యేనుగై పొడచూపు
మాను దలఁచిన నట్టే మానై పొడచూపు
పూని పెద్దకొండ దలపోయఁ గొండై పొడచూపు
తానే మనోగోచరుఁడు దైవమే సుండీ
(॥చూచే॥)
బట్టబయలు దలఁచ బయలై పొడచూపు
అట్టె యంబుధి దలఁచ నంబుధియై పొడచూపు
పట్టణము దలఁచిన పట్టణమై పొడచూపు
తట్టి మనోగోచరుఁడు దైవమే సుండీ
(॥చూచే॥)
శ్రీవేంకటాద్రిమీఁది శ్రీపతి దలఁచితేను
శ్రీవేంకటాద్రిమీఁది శ్రీపతై పొడచూపు
భావమే జీవాత్మ ప్రత్యక్షము పరమాత్మ
తావు మనోగోచరుఁడు దైవమే సుండీ
(||pallavi||)
sūse sūbŏgaḍi sūḍiguṟi yŏgaḍi
tāsi rĕṁḍu nŏgaḍaide daivame suṁḍī
(||sūse||)
yenugam̐ dalam̐side yenugai pŏḍasūbu
mānu dalam̐sina naṭṭe mānai pŏḍasūbu
pūni pĕddagŏṁḍa dalaboyam̐ gŏṁḍai pŏḍasūbu
tāne manogosarum̐ḍu daivame suṁḍī
(||sūse||)
baṭṭabayalu dalam̐sa bayalai pŏḍasūbu
aṭṭĕ yaṁbudhi dalam̐sa naṁbudhiyai pŏḍasūbu
paṭṭaṇamu dalam̐sina paṭṭaṇamai pŏḍasūbu
taṭṭi manogosarum̐ḍu daivame suṁḍī
(||sūse||)
śhrīveṁkaḍādrimīm̐di śhrībadi dalam̐sidenu
śhrīveṁkaḍādrimīm̐di śhrībadai pŏḍasūbu
bhāvame jīvātma pratyakṣhamu paramātma
tāvu manogosarum̐ḍu daivame suṁḍī