(॥పల్లవి॥)
చూడవే గోవింద సోద్యము లిన్నియు
యేడాఁ గర్తవు యిన్నిట నాకు
(॥చూడ॥)
చీరినఁ దునుఁగక చేసిన దురితము
నారవలెనే కడు నారటిలీ
కారుకొని తలఁపు కలఁకగుణంబుల
వారక పెనునదివలెఁ బారీని
(॥చూడ॥)
యెఱ్ఱఁగాఁ గ్రూరత్వ మెప్పుడుఁ గొలిమిలో
కఱ్ఱువలెనే కడుఁగాఁగీని
వొఱ్ఱియై ప్రకృతి వొరసి వేఁటలో
యిఱ్ఱివలెనే యెలయించీని
(॥చూడ॥)
వీడక నీమూర్తి వెంటవెంటనే
తోడునీడయై తొరలీని
యీడనే శ్రీవేంకటేశ నీ మహిమ
వాడని వనములవలెఁ జిగిరించీని
(||pallavi||)
sūḍave goviṁda sodyamu linniyu
yeḍām̐ gardavu yinniḍa nāgu
(||sūḍa||)
sīrinam̐ dunum̐gaga sesina duridamu
nāravalĕne kaḍu nāraḍilī
kārugŏni talam̐pu kalam̐kaguṇaṁbula
vāraga pĕnunadivalĕm̐ bārīni
(||sūḍa||)
yĕṭram̐gām̐ grūratva mĕppuḍum̐ gŏlimilo
kaṭruvalĕne kaḍum̐gām̐gīni
vŏṭriyai prakṛti vŏrasi vem̐ṭalo
yiṭrivalĕne yĕlayiṁchīni
(||sūḍa||)
vīḍaga nīmūrdi vĕṁṭavĕṁṭane
toḍunīḍayai tŏralīni
yīḍane śhrīveṁkaḍeśha nī mahima
vāḍani vanamulavalĕm̐ jigiriṁchīni