(॥పల్లవి॥)
చూడరో చూడరో నేఁడు సురలార నరులార
దాడివోయి దనుజుల దండించి తా వచ్చె
(॥చూడ॥)
వాయు వేగమున వచ్చె వనజాక్షు నరదము
వేయిసూర్యుల ప్రతాపవిభవముతో
చాయల చక్రవాళాద్రి సముద్రాలు దాఁటి వచ్చె
ఆయితమై పైఁడిటెక్కే లవే కానవచ్చె
(॥చూడ॥)
మునుకొని మనో వేగమున వచ్చె హరితేరు
తనరారు కోటిచంద్రప్రభలతో
వెనుకొని దిక్కులెల్లా విజయము సేసి వచ్చె
కనకాచలముతో గక్కన సరివచ్చె
(॥చూడ॥)
గరుడవేగాన శ్రీవేంకటేశు రథము వచ్చె
మరగిన యల మేలుమంగసిరితో
ధరలోన వీధులేఁగి తన నెలవుకు వచ్చె
పరగ హరిదాసుల పంతములు వచ్చె
(||pallavi||)
sūḍaro sūḍaro nem̐ḍu suralāra narulāra
dāḍivoyi danujula daṁḍiṁchi tā vachchĕ
(||sūḍa||)
vāyu vegamuna vachchĕ vanajākṣhu naradamu
veyisūryula pradābavibhavamudo
sāyala sakravāḽādri samudrālu dām̐ṭi vachchĕ
āyidamai paim̐ḍiḍĕkke lave kānavachchĕ
(||sūḍa||)
munugŏni mano vegamuna vachchĕ harideru
tanarāru koḍisaṁdraprabhalado
vĕnugŏni dikkulĕllā vijayamu sesi vachchĕ
kanagāsalamudo gakkana sarivachchĕ
(||sūḍa||)
garuḍavegāna śhrīveṁkaḍeśhu rathamu vachchĕ
maragina yala melumaṁgasirido
dharalona vīdhulem̐gi tana nĕlavugu vachchĕ
paraga haridāsula paṁtamulu vachchĕ