చూడనొక్కఁడవుగాని సుద్దులెన్నైనాఁ గలవు
(॥పల్లవి॥)
చూడనొక్కఁడవుగాని సుద్దులెన్నైనాఁ గలవు
వేడుకలు దైవారె వెలఁదులిందరికి
(॥చూడ॥)
ఒక్క నీ రూపమేకాదా వూరివారెల్లాఁ జూచితే
పెక్కులై మనసులోఁ బెనగొనేది
వుక్కున నీవాడినమాటొక్కటే కాదా యిందరి
వెక్కసపువీనులలో వింత వింతలైనవి
(॥చూడ॥)
చేసిన నీసన్నేకాదా చెలులమర్మములకు
ఆసకొలిపి మోహాలంటించినది
పోసరించి నీమోవితీపులేకావా గొల్లెతల
వాసుల నోరూరించి వలలఁ బెట్టినవి
(॥చూడ॥)
సెలవి నీనవ్వేకాదా చిమ్మిరేఁచి యింతులకు
పులకలు మేనులఁ బొడమించేది
వెలయ నన్నేలితివి శ్రీ వేంకటేశ యిదె కాదా
కలయికలిందరికి కాంక్షలురేఁచినది
(||pallavi||)
sūḍanŏkkam̐ḍavugāni suddulĕnnainām̐ galavu
veḍugalu daivārĕ vĕlam̐duliṁdarigi
(||sūḍa||)
ŏkka nī rūbamegādā vūrivārĕllām̐ jūside
pĕkkulai manasulom̐ bĕnagŏnedi
vukkuna nīvāḍinamāḍŏkkaḍe kādā yiṁdari
vĕkkasabuvīnulalo viṁta viṁtalainavi
(||sūḍa||)
sesina nīsannegādā sĕlulamarmamulagu
āsagŏlibi mohālaṁṭiṁchinadi
posariṁchi nīmovidībulegāvā gŏllĕdala
vāsula norūriṁchi valalam̐ bĕṭṭinavi
(||sūḍa||)
sĕlavi nīnavvegādā simmirem̐si yiṁtulagu
pulagalu menulam̐ bŏḍamiṁchedi
vĕlaya nannelidivi śhrī veṁkaḍeśha yidĕ kādā
kalayigaliṁdarigi kāṁkṣhalurem̐sinadi