(॥పల్లవి॥)
చూడఁ జూడ మాణిక్యాలు చుక్కలవలె నున్నవి
యీడులేని కన్నులవె యినచంద్రులు
(॥చూడఁ॥)
కంటిఁగంటి వాఁడెవాఁడె ఘనమైన ముత్యాల
కంటమాలలవే పదకములు నవె
మింటి పొడవైనట్టి మించుఁ గిరీటంబదె
జంటల వెలుఁగు శంఖచక్రా లవె
(॥చూడఁ॥)
మొక్కుమొక్కు వాఁడెవాఁడె ముందరనే వున్నాఁడు
చెక్కులవే నగవుతో జిగిమో మదె
పుక్కిట లోకములవె భుజకీర్తులును నవె
చక్కనమ్మ అలమేలు జవరాలదె
(॥చూడఁ॥)
ముంగైమురాలును నవె మొలకఠారును నదె
బంగారు నిగ్గులవన్నె పచ్చబట్టదె
యింగితమెరిఁగి వేంకటేశుఁడిదె కన్నులకు
ముంగిటి నిధానమైన మూలభూతమదె
(||pallavi||)
sūḍam̐ jūḍa māṇikyālu sukkalavalĕ nunnavi
yīḍuleni kannulavĕ yinasaṁdrulu
(||sūḍam̐||)
kaṁṭim̐gaṁṭi vām̐ḍĕvām̐ḍĕ ghanamaina mutyāla
kaṁṭamālalave padagamulu navĕ
miṁṭi pŏḍavainaṭṭi miṁchum̐ girīḍaṁbadĕ
jaṁṭala vĕlum̐gu śhaṁkhasakrā lavĕ
(||sūḍam̐||)
mŏkkumŏkku vām̐ḍĕvām̐ḍĕ muṁdarane vunnām̐ḍu
sĕkkulave nagavudo jigimo madĕ
pukkiḍa logamulavĕ bhujagīrdulunu navĕ
sakkanamma alamelu javarāladĕ
(||sūḍam̐||)
muṁgaimurālunu navĕ mŏlagaṭhārunu nadĕ
baṁgāru niggulavannĕ pachchabaṭṭadĕ
yiṁgidamĕrim̐gi veṁkaḍeśhum̐ḍidĕ kannulagu
muṁgiḍi nidhānamaina mūlabhūdamadĕ