చూడఁ బిన్నదానవు సుద్దులు కోటానఁగోటి
(॥పల్లవి॥)
చూడఁ బిన్నదానవు సుద్దులు కోటానఁగోటి
వేడుకతో నీ విభుఁడు వెరగందెఁ గదవే
(॥చూడఁ॥)
దవ్వులనుండే మొక్కలు తలపోఁత చొక్కులు
నివ్వటిల్ల నెన్నఁ డివి నేరిచితివే
పువ్వుల వేసే వాట్లు పొట్టఁబొరుగునీట్లు
మువ్వంక నీ పతి చూచి మోహించెఁగదవే
(॥చూడఁ॥)
కడకంటి చూపులు కడుఁ దరితీపులు
వెడవెడగా నెంత వెద చల్లేవే
చిడుముడి మరఁగులు చెమటల కరఁగులు
బడినే నీ పతి చూచి పాయలేడుగదవే
(॥చూడఁ॥)
కావరపు మాటలు కాఁగిటి రతి తేటలు
లావుగా నెంతేసి కలయఁబెట్టేవే
మోవిపై పలు సోఁకులు మొనగోరి తాఁకులు
శ్రీవేంకటపతి చూచి చేరి కూడెఁగదవే
(||pallavi||)
sūḍam̐ binnadānavu suddulu koḍānam̐goḍi
veḍugado nī vibhum̐ḍu vĕragaṁdĕm̐ gadave
(||sūḍam̐||)
davvulanuṁḍe mŏkkalu talabom̐ta sŏkkulu
nivvaḍilla nĕnnam̐ ḍivi nerisidive
puvvula vese vāṭlu pŏṭṭam̐bŏrugunīṭlu
muvvaṁka nī padi sūsi mohiṁchĕm̐gadave
(||sūḍam̐||)
kaḍagaṁṭi sūbulu kaḍum̐ daridībulu
vĕḍavĕḍagā nĕṁta vĕda salleve
siḍumuḍi maram̐gulu sĕmaḍala karam̐gulu
baḍine nī padi sūsi pāyaleḍugadave
(||sūḍam̐||)
kāvarabu māḍalu kām̐giḍi radi teḍalu
lāvugā nĕṁtesi kalayam̐bĕṭṭeve
movibai palu som̐kulu mŏnagori tām̐kulu
śhrīveṁkaḍabadi sūsi seri kūḍĕm̐gadave