(॥పల్లవి॥)
చూడ వేడుకలు సొరిది నీ మాయలు
తోడనే హరి హరి దొరసీనిదివో
(॥చూడ॥)
పుట్టేటి జీవులు పొదలేటి జీవులు
జట్టి గొని రిదియే జగమెల్లా
కట్టిడి కర్మము కాయజు మర్మము
నెట్టుకొన్న దిదె నిఖిలంబెల్లా
(॥చూడ॥)
ములిగేటి ధనములు మోచేటి ధనములు
కలిమి మెరసె లోకంబెల్లా
పొలసి వేగుటలు పొద్దు గుంకుటలు
కలిగిన విదివో కాలంబెల్లా
(॥చూడ॥)
తగిలేటి పురుషులు తమకపు కాంతలు
బగి వాయనిదీ బదుకెల్లా
అగపడి శ్రీవేంకటాధిప నీ కృపఁ
దెగని జీవనము దినదిన మెల్లా
(||pallavi||)
sūḍa veḍugalu sŏridi nī māyalu
toḍane hari hari dŏrasīnidivo
(||sūḍa||)
puṭṭeḍi jīvulu pŏdaleḍi jīvulu
jaṭṭi gŏni ridiye jagamĕllā
kaṭṭiḍi karmamu kāyaju marmamu
nĕṭṭugŏnna didĕ nikhilaṁbĕllā
(||sūḍa||)
muligeḍi dhanamulu moseḍi dhanamulu
kalimi mĕrasĕ logaṁbĕllā
pŏlasi veguḍalu pŏddu guṁkuḍalu
kaligina vidivo kālaṁbĕllā
(||sūḍa||)
tagileḍi puruṣhulu tamagabu kāṁtalu
bagi vāyanidī badugĕllā
agabaḍi śhrīveṁkaḍādhiba nī kṛpam̐
dĕgani jīvanamu dinadina mĕllā