చూపులనే సొలసేవు చూడరాదా మమ్ముఁ
(॥పల్లవి॥)
చూపులనే సొలసేవు చూడరాదా మమ్ముఁ
గాపురము సేయనీక కారించేవా
(॥చూపు॥)
వదినెంటాఁ బిలిచేవు వద్దు సుమ్మీ యెవ్వరోయి
వదినెలు నీకు వాడవారి మరఁది
యెదురైతే మొక్కేవు యేఁటికోయి యింతేసి
వుదుటులు మాని చక్కనుండనేరవా
(॥చూపు॥)
అత్తనంటాఁ బిలిచేవు అక్కడ నిక్కడ నీకు
అత్తలెవ్వరోయి వూరఁ బొత్తులల్లుఁడా
వత్తునంటాఁ జెప్పంపేవు వడదాఁకి కూకులును
వత్తులునై పోదుఁగాని వచ్చి చూడరాదా
(॥చూపు॥)
చీర వెలిగా నవ్వేవు చెల్లఁబో యెక్కడనైన
మారుజాతి వారికైన మానములేదా
తీరు నీకు నింతేసి తిరువేంకటేశుఁడ
కూరిమి యెరిఁగి నన్నుఁ గూడితివౌరా
(||pallavi||)
sūbulane sŏlasevu sūḍarādā mammum̐
gāburamu seyanīga kāriṁchevā
(||sūbu||)
vadinĕṁṭām̐ bilisevu vaddu summī yĕvvaroyi
vadinĕlu nīgu vāḍavāri maram̐di
yĕduraide mŏkkevu yem̐ṭigoyi yiṁtesi
vuduḍulu māni sakkanuṁḍaneravā
(||sūbu||)
attanaṁṭām̐ bilisevu akkaḍa nikkaḍa nīgu
attalĕvvaroyi vūram̐ bŏttulallum̐ḍā
vattunaṁṭām̐ jĕppaṁpevu vaḍadām̐ki kūgulunu
vattulunai podum̐gāni vachchi sūḍarādā
(||sūbu||)
sīra vĕligā navvevu sĕllam̐bo yĕkkaḍanaina
mārujādi vārigaina mānamuledā
tīru nīgu niṁtesi tiruveṁkaḍeśhum̐ḍa
kūrimi yĕrim̐gi nannum̐ gūḍidivaurā