చూపఁ జెప్పగల భక్త సుజనుఁడవు మాకు
(॥పల్లవి॥)
చూపఁ జెప్పగల భక్త సుజనుఁడవు మాకు
దాపైన హరి యిట్టె తప్పెఁ దారెననక
(॥చూపఁ॥)
కోరి పాండవులయింటఁ గూర లారగించినట్టు
సారవు శబరివిందు చవిగొన్నట్టు
వూరకే మాయింట నీవు వొదవినపాటి నీ-
వారగించవయ్య చవు లౌఁగాములెంచక
(॥చూపఁ॥)
తొల్లియు రేపల్లె గొల్లదోమటి దొడికినట్టు
తల్లి అనసూయ పాలఁ దనిసినట్టు
చిల్లరైన మాయింటఁ జేసిన పా టారగించు
చల్లతోడి బోనమైన చాలుఁ జాలదనక
(॥చూపఁ॥)
అంకెల శ్రీవేంకటాద్రి నారగించినయట్టు
కొంకులేక సిరితోడఁ గోనేటిరాయ
లెంకనయిన నాయింటిలేశమైన నారగించు
అంకించి నీనాలోని అంతరము లెంచకా
(||pallavi||)
sūbam̐ jĕppagala bhakta sujanum̐ḍavu māgu
dābaina hari yiṭṭĕ tappĕm̐ dārĕnanaga
(||sūbam̐||)
kori pāṁḍavulayiṁṭam̐ gūra lāragiṁchinaṭṭu
sāravu śhabariviṁdu savigŏnnaṭṭu
vūrage māyiṁṭa nīvu vŏdavinabāḍi nī-
vāragiṁchavayya savu laum̐gāmulĕṁchaga
(||sūbam̐||)
tŏlliyu reballĕ gŏlladomaḍi dŏḍiginaṭṭu
talli anasūya pālam̐ danisinaṭṭu
sillaraina māyiṁṭam̐ jesina pā ṭāragiṁchu
salladoḍi bonamaina sālum̐ jāladanaga
(||sūbam̐||)
aṁkĕla śhrīveṁkaḍādri nāragiṁchinayaṭṭu
kŏṁkulega siridoḍam̐ goneḍirāya
lĕṁkanayina nāyiṁṭileśhamaina nāragiṁchu
aṁkiṁchi nīnāloni aṁtaramu lĕṁchagā