చొల్లెపుఁ జట్టుతోడి చుంగుల రాజసముతో
(॥పల్లవి॥)
చొల్లెపుఁ జట్టుతోడి చుంగుల రాజసముతో
వెల్లవిరిగా నేఁగీ వెలఁదులు గొలువ
(॥చొల్లెపు॥)
వీఁపునఁ గుచాలు మోఁపి వెలఁది కౌఁగిలించఁగా
నేపున నేనుగనెక్కెనిదె దేవుఁడు
చేపట్టి యాపెచేతులు చేతులఁ బిగ్గెఁ బట్టుక
పైపై వీధులవెంటఁ బరువుదోలీని
(॥చొల్లెపు॥)
అంగనకుఁ దన పాదాలంకె వన్నెలు సేసుక
రంగుగాఁ దొడఁదొడము రాయఁగాను
సింగారపు సొమ్ములతో చెంగావి ముసుఁగుతోడ
అంగవించి యాపె దనకాసలు రేఁచఁగను
(॥చొల్లెపు॥)
కలకల నవ్వుతోడ కస్తూరి నామముతోడ
అలమేలుమంగ దన్నునట్టె మెచ్చఁగా
యెలమి శ్రీ వేంకటేశుఁడేతులు నెరపుతాను
బలిమి నంకుశమునఁ బట్టి వొ త్తీనదివో
(||pallavi||)
sŏllĕbum̐ jaṭṭudoḍi suṁgula rājasamudo
vĕllavirigā nem̐gī vĕlam̐dulu gŏluva
(||sŏllĕbu||)
vīm̐punam̐ gusālu mom̐pi vĕlam̐di kaum̐giliṁcham̐gā
nebuna nenuganĕkkĕnidĕ devum̐ḍu
sebaṭṭi yābĕsedulu sedulam̐ biggĕm̐ baṭṭuga
paibai vīdhulavĕṁṭam̐ baruvudolīni
(||sŏllĕbu||)
aṁganagum̐ dana pādālaṁkĕ vannĕlu sesuga
raṁgugām̐ dŏḍam̐dŏḍamu rāyam̐gānu
siṁgārabu sŏmmulado sĕṁgāvi musum̐gudoḍa
aṁgaviṁchi yābĕ danagāsalu rem̐sam̐ganu
(||sŏllĕbu||)
kalagala navvudoḍa kastūri nāmamudoḍa
alamelumaṁga dannunaṭṭĕ mĕchcham̐gā
yĕlami śhrī veṁkaḍeśhum̐ḍedulu nĕrabudānu
balimi naṁkuśhamunam̐ baṭṭi vŏ ttīnadivo