nām khudā kā le zarā, sabak śhurū kar bismillāh
phūl kaho yā chāṇd sitāre
khel khilaune pyāre pyāre
miṭṭī se bane ham sāre
bol do mīṭhe bol soṇiye, bhed diloṅ ke khol soṇiye
sone kā hai mol soṇiyā, miṭṭī hai anmol soṇiyā
jī kartā hai is miṭṭī se apne dil kā maiṅ ghaṛā banāūṇ
mīṭhā chenāb kā pānī, is meṅ bhar lāūṇ
terī pyās bujhāūṇ, pardesiyā
baiṭh tū mere koḻ soṇiye
bhed diloṅ ke khol soṇiye …
jī kartā hai is miṭṭī se tere jaisā but ek banāūṇ
sajde usko kar kar ke maiṅ āj musalmāṇ
se qāfir ban jāūṇ, are soṇiye
taubā kar taubā, muṇh se qufr na bol soṇiyā
muṇh se qufr na bol soṇiyā …
jī kartā hai is miṭṭī se tere liye maiṅ, ghar ek banāūṇ
is duniyā se dūr kahīṅ tujhko le jāūṇ
dekh sake na tujhko koī chhū sake
chal phir miṭṭī ghol soṇiyā, chal phir miṭṭī ghol soṇiyā
miṭṭī hai anmol soṇiyā …