(॥పల్లవి॥)
సోదించిరిదియె సురలును మునులును
ఆదికి ననాది హరినామం
(॥సోదించి॥)
అరిది వేదశాస్త్రార్థసంగ్రహము
అరయఁగ నొకటే హరినామం
దురితహరము భవదుఃఖనాశనము
అరిభయంకరము హరినామం
(॥సోదించి॥)
సకలపుణ్యఫలసారవిహారము
అకలంకము హరినామం
ప్రకటము సులభము పరమపావనము
అకుటిలమిది హరినామం
(॥సోదించి॥)
కందువ సదరము కైవల్యపదము
అందరికిదియే హరినామం
యెందును శ్రీవేంకటేశ్వరు కరుణకు -
నందుకోలైన హరినామం
(||pallavi||)
sodiṁchiridiyĕ suralunu munulunu
ādigi nanādi harināmaṁ
(||sodiṁchi||)
aridi vedaśhāstrārdhasaṁgrahamu
arayam̐ga nŏgaḍe harināmaṁ
duridaharamu bhavaduḥkhanāśhanamu
aribhayaṁkaramu harināmaṁ
(||sodiṁchi||)
sagalabuṇyaphalasāravihāramu
agalaṁkamu harināmaṁ
pragaḍamu sulabhamu paramabāvanamu
aguḍilamidi harināmaṁ
(||sodiṁchi||)
kaṁduva sadaramu kaivalyabadamu
aṁdarigidiye harināmaṁ
yĕṁdunu śhrīveṁkaḍeśhvaru karuṇagu -
naṁdugolaina harināmaṁ