చొచ్చితి నీకు శరణు సుద్దు లిఁకనేఁటికి
(॥పల్లవి॥)
చొచ్చితి నీకు శరణు సుద్దు లిఁకనేఁటికి
కచ్చుపెట్టెవ్వరివల్లాఁ గలిగే దేమీ
(॥చొచ్చి॥)
పుట్టుక మునుపెఱఁగ పుట్టుగు మీఁదెఱఁగను
యిట్టె యప్పటి యెఱుక యేడ కెక్కీని
పట్టె మదనుభూతము పరసిపోయను బుద్ధి
వట్టి పెద్దతనాలను వచ్చేదేమీ
(॥చొచ్చి॥)
రానివి రప్పించఁగ నేరను వచ్చే వాఁప నేర
తానకపు నాస్వతంత్ర మెందాఁకా వచ్చును
అనుకున్నది ముదిమి అట్టె జారె శాంతము
నే నెంత విఱ్ఱవీఁగినా నిండేదేమీ
(॥చొచ్చి॥)
యిప్పుడు నే నెవ్వఁడనో యెక్కడ నీ వున్నాఁడవో
కప్పిన నావుపాయాలే కార్యమిచ్చీని
నెప్పున శ్రీవేంకటేశ నీయెదుటఁబడ్డ పని
తప్పక యీడేర్తు గాక తలపోసేదేమీ
(||pallavi||)
sŏchchidi nīgu śharaṇu suddu lim̐kanem̐ṭigi
kachchubĕṭṭĕvvarivallām̐ galige demī
(||sŏchchi||)
puṭṭuga munubĕṟam̐ga puṭṭugu mīm̐dĕṟam̐ganu
yiṭṭĕ yappaḍi yĕṟuga yeḍa kĕkkīni
paṭṭĕ madanubhūdamu parasiboyanu buddhi
vaṭṭi pĕddadanālanu vachchedemī
(||sŏchchi||)
rānivi rappiṁcham̐ga neranu vachche vām̐pa nera
tānagabu nāsvadaṁtra mĕṁdām̐kā vachchunu
anugunnadi mudimi aṭṭĕ jārĕ śhāṁtamu
ne nĕṁta viṭravīm̐ginā niṁḍedemī
(||sŏchchi||)
yippuḍu ne nĕvvam̐ḍano yĕkkaḍa nī vunnām̐ḍavo
kappina nāvubāyāle kāryamichchīni
nĕppuna śhrīveṁkaḍeśha nīyĕduḍam̐baḍḍa pani
tappaga yīḍerdu gāga talabosedemī