చిత్తములోని వలపు చిగురుఁ జేఁగ
(॥పల్లవి॥)
చిత్తములోని వలపు చిగురుఁ జేఁగ
యిత్తల వట్టిజాగు లిఁక నేఁటికయ్యా
(॥చిత్త॥)
శిరసు వంపులలోనే సిగ్గులు గానిపించె
తరితీపులఁ బొడమె తమకములు
సరిఁ బులకలతోడ సంతోసము లుప్పతిల్లె
తరుణి కాఁగిటికి దగ్గర రావయ్యా
(॥చిత్త॥)
అల్లార్చి చూచేచూపుల నాసలెల్లాఁ జిమ్మిరేఁగె
పల్లదపు సరసానఁ బైకొనె నవ్వు
వెల్లవిరి సొలపుల వేడుకలు దై వారె
కొల్లలుగా రతులను గూడుదువు రావయ్యా
(॥చిత్త॥)
తలపోఁతలవల్లఁ దగిలెను మర్మములు
పిలుపులఁ జవులు ముప్పిరిగొనెను
అలరి శ్రీవేంకటేశ అలమేల్మంగకు నీకుఁ
గలిగె కూటములిట్టె గక్కనరావయ్యా
(||pallavi||)
sittamuloni valabu sigurum̐ jem̐ga
yittala vaṭṭijāgu lim̐ka nem̐ṭigayyā
(||sitta||)
śhirasu vaṁpulalone siggulu gānibiṁchĕ
taridībulam̐ bŏḍamĕ tamagamulu
sarim̐ bulagaladoḍa saṁtosamu luppadillĕ
taruṇi kām̐giḍigi daggara rāvayyā
(||sitta||)
allārsi sūsesūbula nāsalĕllām̐ jimmirem̐gĕ
palladabu sarasānam̐ baigŏnĕ navvu
vĕllaviri sŏlabula veḍugalu dai vārĕ
kŏllalugā radulanu gūḍuduvu rāvayyā
(||sitta||)
talabom̐talavallam̐ dagilĕnu marmamulu
pilubulam̐ javulu muppirigŏnĕnu
alari śhrīveṁkaḍeśha alamelmaṁgagu nīgum̐
galigĕ kūḍamuliṭṭĕ gakkanarāvayyā