(॥పల్లవి॥)
చిత్తము వచ్చినట్టల్లా సేతువుగాక వోరి
పొత్తుల నీ బాసలకు పూఁటయేది
(॥చిత్త॥)
రొట్టెకును రేవేది రుచిగొనుటేకాక
వొట్టిన నీ కోరికలకొడియేది
వెట్టికిని వెలయేది వివరించి చూడఁబోతే
గుట్టుతో నీవిద్యలకు గురియేది
(॥చిత్త॥)
చక్కెరకు మొదలేదిసంతసించుకొంటగాక
మిక్కిలి నీనవ్వులకు మేర యేది
చుక్కలకు లెక్కలేవి చూచుటింతేకాక నీ
అక్కజపు సుద్దులకు అవుఁగాములేవి
(॥చిత్త॥)
కప్పుర విడెములోన కారమెంచఁ జోటేది
గుప్పేటి నీఁకాగిటిలోఁ గొసరేది
అప్పుడె శ్రీ వేంకటేశ ఆలమేలుమంగ నేను
దప్పిదీరఁ గూడితివి తతియెంచనేది
(||pallavi||)
sittamu vachchinaṭṭallā seduvugāga vori
pŏttula nī bāsalagu pūm̐ṭayedi
(||sitta||)
rŏṭṭĕgunu revedi rusigŏnuḍegāga
vŏṭṭina nī korigalagŏḍiyedi
vĕṭṭigini vĕlayedi vivariṁchi sūḍam̐bode
guṭṭudo nīvidyalagu guriyedi
(||sitta||)
sakkĕragu mŏdaledisaṁtasiṁchugŏṁṭagāga
mikkili nīnavvulagu mera yedi
sukkalagu lĕkkalevi sūsuḍiṁtegāga nī
akkajabu suddulagu avum̐gāmulevi
(||sitta||)
kappura viḍĕmulona kāramĕṁcham̐ joḍedi
guppeḍi nīm̐kāgiḍilom̐ gŏsaredi
appuḍĕ śhrī veṁkaḍeśha ālamelumaṁga nenu
dappidīram̐ gūḍidivi tadiyĕṁchanedi