(॥పల్లవి॥)
చిత్తము నిజమైనఁ జేరు నేపనులైన
బత్తి సౌఖ్యమునకుఁ బ్రాణము
(॥చిత్త॥)
కన్నుల కలికికిఁ గలిగెఁబో కడ-
కన్నులమీఁది బింకపు నవ్వు
చిన్నిచెక్కులమీఁది చెమటలు -మేన-
నన్నువ మురిపెపుటలపులు
(॥చిత్త॥)
తోయజగంధికి దొరకెఁబో మన -
మాయ నియతితోడి మఱపులు
సోయగమగు మోము సొబగులు- కడు-
రాయిడి చనుదోయి రచనలు
(॥చిత్త॥)
లావణ్యమతి మీఁద లాసెఁబో
శ్రీ వేంకటేశుని చెలుములు
తావి చల్లెడి కమ్మఁదనములు - పాసి-
పోవని విభుతోడి పొందులు
(||pallavi||)
sittamu nijamainam̐ jeru nebanulaina
batti saukhyamunagum̐ brāṇamu
(||sitta||)
kannula kaligikim̐ galigĕm̐bo kaḍa-
kannulamīm̐di biṁkabu navvu
sinnisĕkkulamīm̐di sĕmaḍalu -mena-
nannuva muribĕbuḍalabulu
(||sitta||)
toyajagaṁdhigi dŏragĕm̐bo mana -
māya niyadidoḍi maṟabulu
soyagamagu momu sŏbagulu- kaḍu-
rāyiḍi sanudoyi rasanalu
(||sitta||)
lāvaṇyamadi mīm̐da lāsĕm̐bo
śhrī veṁkaḍeśhuni sĕlumulu
tāvi sallĕḍi kammam̐danamulu - pāsi-
povani vibhudoḍi pŏṁdulu